Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tabaku: Qeveria tall pensionistët me rritje minimaliste të pensioneve dhe propagandë boshe

Politiko 28 Tetor 2024, 16:02

Tabaku: Qeveria tall pensionistët me rritje minimaliste të pensioneve

Deputetja e Partisë Demokratike, Jorida Tabaku, ka publikuar një video të re që i drejtohet situatës kritike të pensionistëve në Shqipëri, duke e quajtur trajtimin që qeveria u bën atyre si një "tallje të hapur". Në videon e saj, Tabaku kritikon ashpër qeverinë për përpjekjet e saj të pamjaftueshme dhe të përkohshme, duke i trajtuar pensionistët si objekt propagande dhe duke u mjaftuar vetëm me foto e takime të radhës.

Tabaku thekson se pensionistët shqiptarë marrin vetëm dyzet për qind të të ardhurave mesatare që pensionistët në vendet e Bashkimit Evropian përfitojnë, ndërsa qeveria pretendon rritje të cilat arrijnë maksimumi njëzet lekë në ditë. “Po talleni? Kujtojnë se mjafton të shfaqen në publik me buzëqeshje dhe me rritje simbolike për të mbuluar krizën ku pensionistët janë lënë,” shprehet Tabaku.

Ajo e cilëson të papranueshme që, ndërkohë që qeveria pretendon se ka mbledhur më shumë kontribute të sigurimeve shoqërore, këto fonde shkojnë për interesat e pakicës së privilegjuar, për ata që dominojnë sektorët e tenderave dhe koncesioneve. "Pensionistët, që përbëjnë një të tretën e popullsisë së vendit, janë thjesht vegla propagandistike për këtë qeveri," vazhdon Tabaku, duke theksuar se pensionistët shqiptarë meritojnë shumë më tepër.

Në këtë mesazh të qartë dhe pa dorashka, Tabaku apelon për një ndryshim të thellë në trajtimin e kësaj shtrese vulnerabile të shoqërisë, duke theksuar se Partia Demokratike do të jetë gjithmonë zëri i tyre në Parlament dhe në çdo forum ku të drejtat e tyre do të mbrohen.

Video mesazhi deputetes Tabaku:

Me kë tallen? Me kë tallen? e kujtojnë sikur disa foto e takime të radhës, të qeshura e të përballuar, ministrat e deputetët do të zhbëjnë faktin që pensionistët sot janë shtresa më e keqtrajtuar? shtresa që u merr sa dyzet për qind e të ardhurave që marrin pensionistët në vendet e Bashkimit Evropian, njëzet lekë në ditë. Po këtë i marrin për të mirëqenë pensionistët. Kujtojnë se njerëzit janë budallenj. Vitin e shkuar i rriten pesëdhjetë lekë në ditë, vitin e ardhshëm dhjetë lekë e do ndodh që as kanë për t’i rritur më në vijim. se ndërkohë që deklarojnë që kanë mbledhur tetë miliardë lekë më shumë kontribute të sigurimeve shoqërore Këto sigurisht shkojnë për pakicën, për ato të favorizuarit, për ato që janë ato që sponsorizojnë ligjet në Parlament, janë ato që dominojnë sektorët kryesorë që marrin tendera e koncesione, ndërkohë që pensionistët, një e treta e popullsisë së vendit, duhet vetëm për propagandën e radhës për foton e ditës, për t’i gënjyer siç e kanë gënjyer e siç do të vazhdojnë t’i gënjejnë tetëqind mijë pensionistët meritojnë më shumë