Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tabaku:Kompanitë që ndërtojnë në Tiranë s’mund të jenë të lidhura me zyrtarë të lartë

Politiko 8 Prill 2024, 16:32

Tabaku:Kompanitë që ndërtojnë në Tiranë

Deputetja demokrate, Jorida Tabaku, u shpreh se grupet kriminale po marrin tenderat publik.

Tabaku theksoi se kompanitë që ndërtojnë në Tiranë nuk mund të jenë me kapital zero, nuk mund të kenë lidhje të ngushta me zyrtarë të lartë, por se duhet që të plotësojnë disa kushte themelore.

 “Në këtë Qeverisje korrupsioni është kulturë. Çdo ligj që kalon në parlament duhet ta ketë frymën antikorrupsion. Kompanitë që ndërtojnë në Tiranë nuk mund të jenë me kapital zero, që janë të lidhura me zyrtarë të lartë.

Nuk mund të marrin statusin e investitorit strategjik të tilla kompani. Legjislacioni duhet të vendosë disa ndalesa.

Kompani që nuk kanë realizuar më parë punime, kompani që vijnë nga persona me precedentë kriminal nuk mund të marrin përsipër punime, të gjitha janë sipas legjislacionit të BE-së dhe nuk u miratuan.

Ky duhet të jetë fokusi, çrrënjosja e kësaj kulture. Këtu bëhet fjalë për grupe kriminale. Sepse kur pesë persona bashkëpunojnë me njëri-tjetrin për ta dëmtuar buxhetin e shtetit, bëhet fjalë për grup të strukturuar kriminal.

Dhe kur operon nën kryetarin e bashkisë, i bie që është ose i paaftë ose budalla, se rezulton që nuk ka marrë vesh asgjë çfarë ka ndodhur”, tha Tabaku nga studio e News24.

Të fundit