Takimi përmbyllës në Fier/ Bardhi: PD dhe Sali Berisha kanë një mision, Shqipëria e para...

Fieri i ka rezervuar një pritje madhështore kandidatëve për deputetë në këtë qark.

Drejtuesi politik i Qarkut, Gazment Bardhi tha se, “ne kemi nevojë për një qeveri me fytyrë njerëzore e jo për banditë më pushtet”.

Bardhi: Faleminderit të gjithëve që keni ardhur sot ketu, për ti treguar çdo shqiptari nga veriu në jug se edhe Fieri i është bashkuar ndryshimit. I është bashkuar fitores së Partisë Demokratike.

Jemi 8 ditë larg ditës së shumëpritur të ndryshimit dhe fitores.

Ne do të bëjmë gjithçka për të mos zhgënjyer besimin e banorëve të Fierit, për të mos zhgënjyer mbështetjen e tyre të madhe. Ju jam mirënjohës me zemër, mijëra demokratëve të palodhur të rinjve dhe të rejave në të gjithë qarkun e Fierit që kanë mbajtur gjallë shprese dhe që po punojnë me sakrificë e që do të vazhdojnë pa u ndalur për të garantuar qeverinë e re të qytetarëve shqiptarë.

Faleminderit me zemër për koleget e mi, kandidatë për deputetë, ekipit fitues të Fierit.

Të dashur qytetarë, të dashur fermerë, të rinj  e të reja, nëna dhe motra. Ne 8 ditë ju keni në dorë të zëvendësoni arrogancën e pushtetit.

Pyetja në këtë zgjedhje është e thjeshtë. A do ta lini akoma votën tuaj atyre që ju kanë masakruar për 12 vjet apo do ja besoni atë Partisë Demokratike.

Prandaj të nderuar socialistë të ndershëm le të bëhemi bashkë me 11 maj dhe fitorja jonë do të jetë edhe me e madhe dhe e ardhmja jonë e përbashkët do të jete edhe më e mirë. Kemi takuar socialistë të ndershëm që po presin 11 majin që të marrin borxhin që Rama nuk ua ktheu kurrë,

Refuzojeni arrogancën e Edi Ramës dhe Belinda Ballukut.

Ne  kemi nevojë për një qeveri me fytyrë njerëzore e jo për banditë më pushtet.

Mos ja dhuroni jetën tuaj atyre që nuk ju kanë në llogari. Mos ja jepni votën atyre që ju kanë mashtruar dhe varfëruar për 12 vjet.

PD dhe Sali Berisha kanë një mision. Shqipëria e para...