Takon ambasadoren franceze, Kryemadhi shpreh nevojën e një politikë e jashtme që ndihmon biznesin vendas

Foto gjatë takimit

Kryetarja e Lëvizjes Socialiste për Integrim, Monika Kryemadhi zhvilloi këtë të enjte një takim me ambasadoren franceze në vendin tonë, Elisabeth Barsacq.

Kryemadhi dhe Barsacq folën mbi potencialin e zhvillimit të Shqipërisë, ku ndanë mendimin se një vëmendje me e madhe duhet të shkojë për rritjen dhe përgatitjen e burimeve njerëzore.

Kështu bënë me dije zyra e shtypit të LSI-së. Sipas kësaj të fundit, Kryemadhi u shpreh se nevojitet një politikë e jashtme që ndihmon biznesin vendas për të rritur eksportet si dhe po ashtu për të krijuar klimën e duhur për thithjen e investimeve të huaja.

Në takim u fol dhe mbi zgjedhjet e 25 prillit. Kryetarja e LSI-së e informoi ambasadoren Elisabeth Barsacq se në listat e LSI do të ketë përfshirje të të rinjve dhe grave.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm