Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Taulant Balla ka porositur vrasje”, Berisha deklaratë bombë: Ka dokumente zyrtare

Politiko 21 Prill 2026, 13:43

“Taulant Balla ka porositur vrasje”, Berisha deklaratë

Kreu i Partisë Demokratike, Sali Berisha, ka bërë një deklaratë të fortë , duke akuzuar drejtpërdrejt Taulant Balla për përfshirje në krime të rënda, përfshirë porositje vrasjesh.

Gjatë një prononcimi për media, Berisha u pyet lidhur me një çështje që po shqyrtohet në gjykatën e Londrës për shtetasin shqiptar Irfan Azizi, i cili kundërshton ekstradimin drejt Shqipërisë me pretendimin se i rrezikohet jeta nga grupe kriminale me lidhje politike.

Berisha deklaroi se nuk ka informacion konkret për këtë rast, por theksoi se ekzistojnë dokumente zyrtare që, sipas tij, implikojnë Ballën në aktivitete kriminale.

“Është e dokumentuar me dokumente zyrtare se Taulant Balla ka bërë ndërlidhjen direkte për probleme elektorale midis kartelit Çela dhe Edi Rama. Është e faktuar me regjistrime se ai ka porositur vrasje,” u shpreh Berisha.

Sipas tij, këto materiale janë zhdukur me proces-verbal, i cili pretendohet se është bërë publik më herët në media. Ai shtoi gjithashtu se Balla ka ndërhyrë në çështje të ndryshme, përfshirë dosjen “Toyota Yaris” dhe raste të tjera të lidhura me grupe kriminale.

Berisha theksoi se nuk e njeh personin që ka bërë deklaratat në Londër, por përsëriti se akuzat ndaj Ballës bazohen në dokumente që, sipas tij, janë dorëzuar më parë.

PJESE NGA DEKLARATA

*Klajdi Bodlli, SYRI TV: Z. Berisha, në mediat britanike ka dalë një lajm për një shtetas shqiptar i cili ka dalë para gjykatës së Londrës, Irfan Azizi, dhe do të shqyrtohet ekstradimi i tij ose jo në Shqipëri. Gjatë pretendimeve të tij, ai është shprehur se në Shqipëri i rrezikohet jeta, pasi grupi kriminal, sipas tij, që nëse ai do të vinte në Shqipëri do të vriste atë, pasi kishte lidhje të ngushta me kryeministrin dhe kishte kryer dhe disa vrasje me porosi të kryeministrit të Shqipërisë. A keni ju një koment apo një informacion në lidhje me këtë lajm?*

*Sali Berisha:* Informacion konkret për këtë rast nuk kam. Koment kam të plotë.
Është e dokumentuar me dokumente zyrtare në dosjet e SKAP-it të partisë, me dokumente zyrtare, se Taulant Balla ka bërë ndërlidhjen direkte për probleme elektorale midis kartelit Çela dhe Edi Ramës.
Është e faktuar, në mënyrë zyrtare me dokumente zyrtare, me regjistrime, se Taulant Balla ka porositur vrasje. Dhe këto dokumente, këto regjistrime, janë djegur me proces-verbal i cili është publikuar në media nga gjykatësja Vyshka, mos gaboj dhe një prokuror tjetër.
Është e dokumentuar fakti se Taulant Balla është nisur me urdhër të Suel Çelës me prokurorin Vat Staka në Shkodër për të liruar terroristët që i vendosën tritolin ndën shalë Lulzim Kullës. Është e vërtetuar me dokumente zyrtare se Taulant Balla, ministër, kërkonte autoriteteve gjyqësore të Elbasanit që të rikthenin dosjen e ‘Toyota Yaris’, makinave tani, jo parave se paratë i kishin zgjidhur, por tani makinat duhet t'i riktheheshin kartelit, sillni tek policia që t'i nxirrnin jashtë afateve ligjore të rikthehen.
Nuk ka një të dytë pas Edi Ramës më të inkriminuar në Shqipëri se Taulant Balla.
Unë nuk e njoh atë personin që ka bërë këtë deklaratë në gjykatat e Londrës, por e vërteta është kjo që them për Taulant Ballën dhe gjithë këto dokumente janë në këtë dhe unë i kam paraqitur.
Dhe këta janë famëzi. Urdhëroni. Kryetari i grupit parlamentar të partisë së krimit rezulton... ky s'po, polivalent ky. Ky është një rast tjetër ky që del tani në Londër për të.
Faleminderit!

ZYRA E MEDIAS DHE KOMUNIKIMIT, PARTIA DEMOKRATIKE