Flash News

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Vazhdon zjarri në landfillin e Elbasanit

Ditari i Opozitës

“Të hiqet limit prej 6 orësh”, PD-PL kërkesë Kuvendit: Debati për ‘Portin e Durrësit’ të jetë pa kufizim

Politiko 23 Nëntor 2022, 15:19

“Të hiqet limit prej 6 orësh”, PD-PL kërkesë

Partia Demokratike dhe Partia e Lirisë i kanë drejtuar kryetarës së Kuvendit Lindita Nikolla kërkesë që debate për marrëveshjen e Portit të Durrësit të jetë pa kufizim.

Në seancën e nesërme plenare është parashikuar rreth 6 orë debat për Portin e Durrësit.

PD dhe PL kërkojnë nga Kuvendi që koha e vendosur në dispozicion për deputetët të mos jetë 2.57 minuta. Në letrën drejtuar Nikollës, PD-PL kërkojnë “të hiqet limiti kohor prej 6 orësh në pikën 4 të Rendit të ditës dhe çdo deputeti t’i jepet e drejta të flasë 10 minuta në lidhje me këtë çështje.”

LETRA

REPUBLIKA E SHQIPËRISË
KUVENDI
Zonja Kryetare,
Tiranë, më 23.11.2022

Kërkese për ndryshimin e kohës së debatit për pikën 4 të rendit të ditës së seancës plenare datë 24.11.2022
Drejtuar: Znj. Lindita NIKOLLA
KRYETARE E KUVENDIT TË SHQIPËRISË
Sikurse është bërë e ditur përmes Urdhërit Nr. 88, dt 22.11.2022, dhe Njoftimit për Rendin e Ditës, për pikën Nr. 4, Projektligj “Për miratimin e Marrëveshjes Kuadër, ndërmjet Këshillit të Ministrave të Republikës së Shqipërisë dhe Eagle Hills Real Estate Development, Albanian Seaports Development Company, Sh.A. dhe Nshmi Development L.L.C, në lidhje me Projektin e Investimit strategjiik “MARINA & JAHTET E DURRËSIT”, është përcaktuar një limit kohor jo më shumë se 6 orë. Në një përllogaritje të thjeshtë, për cdo deputet është planifikuar një kohë prej 2,57 minuta. Port i Durrësit është një nga pasuritë më të mëdha të Shqipërisë. Me pozitën gjeografike ky Port është i rëndësie strategjike jo vetëm për Shqipërinë por edhe për rajonin. Bashkimi Europian, përmes Komunitetit të Transportit ka vlerësuar së fundmi, se Porti i Durrësit në Shqipëri dhe Porti i Tivarit në Malin e Zi kanë rëndësi strategjike për transportin detar në rajon pasi e lidhin atë me rrjetin kryesor Europian të transportit. Duke qenë e një rëndësie të tille, përtej faktit që nuk ka asnjë emergjencë kombëtare për ta kaluar në mënyrë të përshpejtuar, në asnjë MËNYRË NUK MUND TË ÇMOHET shkurtimi i kohës së diskutimit, duke përdorur Nenin 48, Pika 3, që është përjashtim kufizues. Por e kundërta, është i nevojshëm një debat të i plotë publik duke i mundësuar çdo deputeti të shprehet në lidhje me këtë çështje të një rëndësie kombëtare. Ndaj bazuar në Nenin 48 të Rregullores së Kuvendit
KËRKOJMË
Ndryshimin e rendit të ditës së seancës plenare si më poshtë vijon:
1. Të hiqet limiti kohor prej 6 orës në pikën 4 të Rendit të ditës,
2. Çdo deputeti t’i jepet e drejta të flasë 10 minuta në lidhje me këtë çështje,
sic Rregullorja e Kuvendit përcakton.
Duke ju falenderuar për bashkëpunimin.

“Të hiqet limit prej 6 orësh”, PD-PL kërkesë