Tensionet në Kosovë, Spaho: Shqipëria nuk ka mbledhur as Parlamentin, as Këshillin e Sigurimit për mbështetje

Deputeti demokrat Edmond Spaho ka bërë një reagim në lidhur me situatën e tensionuar në Kosovë.

Në Facebook, Spaho shkruan se është turp për Shqipërinë të mos dalë hapur në mbrojtje të Kosovës, teksa sjell një shembull të vetin ku disa media shqiptare nuk i kanë botuar një shkrim që Spaho kishte përgatitur për gjendjen në Kosovë.

Deputeti shkruan se NATO po shpërblen brigadën e Vuçiç.

Spaho thotë se shqiptarët në momente kritike gjithmonë kanë humbur pasi i janë nënshtruar ndërkombëtarëve për interesat e tyre, madje qeveria nuk ka mbledhur as Këshillin e Sigurimit dhe as Parlamentin për të ofruar mbështetje.

Postimi:

Per kete ceshtje kam shkruar nje postim ne fb para kater ditesh kur filluan trazirat ne veriun e Kosoves. Postimin ja dergova disa mediave por askush nuk e botoi.

Turp qe Shqiperia nuk del hapur ne mbrojtje te Kosoves. Si antare e NATOs, Shqiperia duhet te kundershtoje ashper anullimin e manovrave ushtarake te NATOs ne Kosove.

NATO po shperblen brigantet serbe dhe Vuçiç.

Nuk eshte Albin Kurti qe ka shkaktuar trazirat ne veri por banditet dhe gangsteret e Vuçiç se bashku me ata ruse.

Vuçiç mbledh cdo dite Keshillin e Sigurise Kombetare per interesat e Serbise, kurse Shqiperia as Keshillin e Sigurimit e as Parlamentin nuk e mbledh per ti dhene se paku mbeshtetje morale Kosoves.

Shqiptaret ne momente kritike gjithmone kane humbur sepse kane qene te nenshtruar ndaj nderkombetareve, frikacake per interesat e tyre dhe kane pare karriken mbi interesat kombetare. Turp!