Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Tensionet në Theth, Zhupa: Rama, shembulli tipik i një diktatori modern

Politiko 12 Korrik 2025, 18:06

Tensionet në Theth, Zhupa: Rama, shembulli tipik i një diktatori

Deputetja e Partisë Demokratike Ina Zhupa, ka komentuar aksionin e fundit të qeverisë për prishjen e ndërtimeve pa leje në Theth, situatë e cila është shoqëruar me përplasje të shumta.

E ftuar në Syri TV, Zhupa u shpreh se kryeministri Rama ka dëshmuar prej 12 vitesh se nuk ka asnjë lidhje me ligjshmërinë dhe shtetin ligjor.

Zhupa theksoi se mënyra e tij e qeverisjes, përmes aksioneve të njëanshme dhe të papritura, përfaqëson një formë të qeverisjes banditeske, që shërben për interesa klienteliste dhe në funksion të oligarkëve e investitorëve të afërt me pushtetin.

“Të gjitha ngjarjet janë të lidhura me njëra-tjetrën. Rama e ka treguar prej 12 vitesh që nuk ka lidhje me ligjshmërinë dhe shtetin ligjor, dhe kjo mënyrë e të qeverisurit nëpërmjet aksioneve të tij është një qeverisje banditeske, që për interesa klienteliste zgjedh dhe piketon zona dhe problematika të caktuara që duhet të adresojë, kur në fakt i duhen për të ndihmuar një oligark apo një investitor “strategjik”.

Ka disa gjëra që kanë ndodhur njëkohësisht. Së pari, është ndryshuar ligji i zonave të mbrojtura, dhe kur u ndryshua ky ligj në Kuvend, në interpelancë me mua, Mirela Kumbaro ka marrë shembull banorët e Thethit, duke thënë se ata kanë ndërtuar në tokën e tyre dhe se ky ligj do t’i ndihmojë ata të jetojnë në mënyrë të ligjshme.
Ndërkohë, siç tregohet dhe vërtetohet ajo që ne kemi thënë në Kuvend: ligji nuk bëhej fare për ta. Ligji është bërë për të tjerë, të cilët do të merrnin tokat publike, do të shkatërronin atë që banorët kishin ndërtuar dhe do të uzurponin atë që u takon banorëve.

“Paketa e maleve” u vendos si mekanizëm kundër Kodit Zgjedhor, i cili nuk lejon miratimin e ligjeve të tilla deri dy muaj para zgjedhjeve, dhe ato janë në funksion të shërbimit elektoral dhe të pastrimit të parave të pista të oligarkëve të Ramës.
Banorët e Thethit ai i përdori dhe më pas i hodhi poshtë.

Rama është shembulli tipik i një diktatori modern, i cili i ka kthyer institucionet në kuti kartoni që i lëviz sipas dëshirës, nuk njeh ndarje pushtetesh, nuk zbaton Kushtetutën dhe asgjë që ekziston në këtë vend.
Një njeri që pretendon se vjen me vizionin e një Shqipërie europiane, por që nuk zbaton asnjë kriter të mënyrës se si qeverisin ato vende, ku ligji, institucionet dhe barazia para ligjit mbizotërojnë.
Kjo tregon se çfarë thotë propaganda dhe çfarë është realiteti.”, tha Zhupa.