Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Opozitës

“T’i themi ‘jo’ këtij modeli ekonomik”, Tabaku: Diaspora do të kërkojë rotacionin më 11 maj!

Politiko 21 Janar 2025, 12:47

“T’i themi ‘jo’ këtij modeli ekonomik”,

Deputetja e Partisë Demokratike, Jorida Tabaku, ka publikuar një video në rrjetet e saj sociale, ku analizon arsyet pse emigrantët shqiptarë pritet të mbështesin PD-në në zgjedhjet e ardhshme.

Në mesazhin e saj, Tabaku thekson se një nga arsyet kryesore lidhet me xhepin e emigrantëve, të cilët çdo ditë punojnë dhe kontribuojnë për të mbështetur familjet e tyre në Shqipëri. Sipas saj, remitancat e emigrantëve janë rritur ndjeshëm, jo si rezultat i zhvillimit ekonomik, por për shkak të zhvlerësimit të euros që vjen nga pastrimi i parave dhe korrupsioni.

“Pak vite më parë, në vitin 2020, emigrantët shqiptarë sillnin rreth 670 milionë euro për familjet e tyre. Sot kjo shifër ka arritur në 1 miliard euro, 300 milionë euro më shumë. Por kjo nuk ndodh për shkak të një rritjeje ekonomike apo tregu, por si rezultat i pastrimit të parave që ka zhvlerësuar euron ,” shprehet Tabaku.

Ajo thekson se shqiptarët që jetojnë jashtë punojnë më shumë, lodhen më shumë, dhe dërgojnë më shumë para për familjet e tyre, për shkak të kësaj situate të krijuar nga korrupsioni dhe modeli aktual ekonomik.

Tabaku e mbylli mesazhin e saj me një thirrje për ndryshim më 11 maj, duke nënvizuar se është momenti për t’i thënë “jo” këtij modeli ekonomik dhe qeverisjes së deritanishme.

” Diaspora, e cila e ka ndierë mbi supet e tyre pasojat e kësaj qeverisjeje, janë ndër ata që do të kërkojnë ndryshimin dhe rotacionin më 11 maj, ” përfundoi ajo.

Të fundit