Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Të paktën 5,415 njerëz kanë humbur jetën nga tërmeti në Turqi dhe Siri

Tiranë/ Aksident në bulevardin 'Zhan D’Ark', plagoset një grua

Afera e inceneratorëve, SPAK nis hetimet ndaj Arben Ahmetajt

Si ka degraduar ligj-bërja në Kuvendin e Shqipërisë

Ditari i Opozitës

Tirana në balotazh, reagojnë Këlliçi dhe Alimehmeti

Politiko 5 Dhjetor 2022, 10:17

Tirana në balotazh, reagojnë Këlliçi dhe Alimehmeti

Partia Demokratike zhvilloi dje procesin e primareve. Mes fituesve në disa bashki, Belind Këlliçi dhe Ilir Alimehmet, rezultuan dy kandidatët më të votuar për bashkinë e Tiranës.

Kryeqyteti shkoi në balotazh dhe pritet të mbahen zgjedhje të reja për të vendosur mes dy kandidatëve se cili do të përfaqësojë PD-në në zgjedhjet e 14 majit përballë Veliajt.

Belind Këlliçi dhe Ilir Alimehmeti kanë reaguar të dy në Facebook, pas shpalljes së rezultateve.

Këlliçi ka falënderuar demokratët dhe simpatizantët për votat dhe mbështetjen teksa shpreh vlerëism edhe për kandidatët e tjerë që ishin në garë.

“Për demokratët e Tiranës dhe simpatizanët që nderuan procesin me pjesëmarrjen e tyre, shpreh nga zemra të gjithë mirënjohjen time dhe të ekipit tim. I dhanë vlerë procesit dhe respekt kandidatëve. Faleminderit!

Falenderoj komisionerët dhe vëzhguesit, të gjithë sa janë, për lodhjen dhe qëndrimin në shërbim të zgjedhësve nga mëngjesi i sotëm! Falenderimi i tretë i shkon numëruesëve dhe vëzhguesëve të secilit kandidat, që do të bashkohen për të verifikuar e numëruar çdo votë! Sytë i kemi nga ju. Çdo votë është një rrahje zemre.

Falenderoj mediat, në veçanti gazetarët e terrenit, për orët e gjata të mbulimit mediatik të Primareve Bashkiake! E mbyll me një falenderim për të gjithë ata opozitarë shqiptarë, që na dhanë besim e që nuk i hapën derën e shtëpisë diversionit të kundërshtarit tonë të përbashkët. Jeni zemra”, shkruan Këlliçi.

Alimehmeti ka falënderuar mbështetësit e tij në garën e primareve. Kandidati për bashkinë e Tiranës i jep një vlerësim të veçantë të rinjve që e votuan në proces.

“Pas një gare të bukur dhe pozitive me kolegë demokratë të nderuar, raundi i parë kaloi me balotazh. Faleminderit të gjithë juve që më mbështetët, më votuat dhe më kualifikuat për raundin e dytë më 11 dhjetor 2022! Faleminderit shpirtit të bukur të të rinjve që m'u bënë krahë në çdo moment! Sonte pushojmë, nesër rifillojmë!”, shkruan Alimehmeti.

 

Të fundit