Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

Ditari i Opozitës

Padi shtesë për inceneratorët, Kryemadhi: 24 kompani të përfshira në evazion fiskal, dy pensionistë blenë biznese 30 mln $

Politiko 4 Korrik 2022, 10:30

Padi shtesë për inceneratorët, Kryemadhi: 24 kompani të

Një padi shtesë është bërë gati për t’iu dorëzuar SPAK-ut lidhur me aferën e inceneratorëve.

Kryetarja e LSI-së, Monika Kryemadhi, deklaroi sot në një bashkëbisedim me gazetarët se bëhet fjalë për dokumente të faktuara që do të ndihmojnë SPAK-un në zbardhjen e aferës për inceneratorin e Tiranës.

“Sot jam këtu për të ndihmuar SPAK , kam bërë gati shtesë padie për të informuar me dokumente të reja autentike e të faktuara që ndihmojnë SPAK për inceneratorin e Tiranës, llokma më e madhe e kësaj afere korruptive që nuk është e vetmja, por është rasti më flagrant kur qeveria e Kryeministri janë kapur me presh në dorë”, tha Kryemadhi.

Kryemadhi tha se nga auditimi i kryer nga LSI rezulton se Klodian Zoto kreu 30 milionë dollarë evazion fiskal. Sipas Kryemadhit, janë 24 kompani që në bashkëveprim me njëra-tjetrën kanë kryer evazione fiskale.

Teksa dha detaje nga gjetjet e auditimit Kryemadhi tha se një çift bashkëshortësh 94-85 vjeçarë kanë blerë biznese 30 milionë dollarë.

“Në auditimin që ne bëmë rezulton që Klodian Zoto ka kryer 30 mln dollarë evazion fiskal fiktive. Nga ana tjetër të gjitha biletat e avionit që në periudhë pandemie kishte kryer udhëtime jashtë shtetit, ndërkohë që në qiellin shqiptar nuk kishte asnjë avion.

Janë 24 kompani që kanë bërë bashkëveprim financiar shit-blerje blerje me kompanitë e inceneratorëve. Për të 24 kompanitë do të informojmë prokurorinë në mënyrë që ata të mos bëjnë asgjë tjetër, por vetëm të verifikojnë. Të verifikojnë edhe këta 94-95 vjeçarët që kanë blerë biznese 30 milionë dollarë Ajo që kemi kuptuar është që në total evazioni fiskal është 189 mln dollarë”, tha Kryemadhi.

Kryemadhi shtoi më tej se “Frutat janë shkëmbyer në inerte. Ushqimet, vaji, sheqeri, janë kthyer në asfalt dhe uji i pijshëm në beton. Pjesa më e madhe e këtyre kompanive, për arsye se me këto kompani unë do tregohem pak diskrete sepse do çohen në SPAK”.

Dokumenta bashkëngjitur

Të fundit