Flash News

Shuhet në moshën 86-vjeçare regjisori i njohur Piro Milkani

Ditari i Opozitës

‘Turizmi po falimenton’, Berisha nga Vlora: Vjedhjet e qeverisë po e rrënojnë Shqipërinë

Politiko 3 Gusht 2022, 20:19

‘Turizmi po falimenton’, Berisha nga Vlora: Vjedhjet e qeverisë

Kreu i Partisë Demokratike, Sali Berisha, ka zhvilluar një takime ekspertë, qytetarë, aktivistë e qytetarë për të folur rreth turizmit.

Berisha tha se turizmi në Shqipëri po shkon drejt falimentit ku bregdeti këtë vit është boshatisur si asnjëherë më parë. Kryedemokrati tha se ndryshe nga vitet e tjera, këtë vit ata që kanë investuar në turizëm po mendojnë të shpëtojnë bizneset nga falimenti.

“Sektori i turizmit po falimenton. Arrijmë në përfundimin shumë të hidhur se edhe kjo pasuri e pakrahasueshme, mahnitëse kombëtare, po shndërrohet në një mallkim për shqiptarët. Sot, ky vit është me kapacitete të boshatisura si asnjëherë më parë. Ata që investuan mundin dhe djersën e tyre në kapacitete turistike, këtë vit, shumë prej tyre mendojnë si t’i shesin, si të shpëtojnë nga falimentimi dhe barra e tyre. Nuk ka një sektor tjetër ekonomik që është tmerrësisht i rëndësishëm, punëson mbi çerek milionë qytetarë me anekse dhe të tjera është gjenerator kryesor, por ja ku jemi. Kapacitetet në korrik ishin as gjysmë për gjysmë të shfrytëzuara. Kapacitetet shfrytëzoheshin kryesisht në ëeekend. Por krahaso ti një investitor në Vlorë, apo në Durrës që të shfrytëzojë kapacitetet e tij dy ditë në javë, në një kohë kur homologu i tij në Greqi apo Turqi i shfrytëzon 5-6 muaj”, tha Berisha.

Kreu i PD-së tregoi se fajtore për gjendjen aktuale të turizmit janë politikat që ndjek qeveria. Berisha tha se çmimet ‘e kripura’ po pengojnë pushuesit të qëndrojnë në Jug të vendit, ndërsa theksoi se rrënimi i turizmit po vjen si pasojë e vjedhjeve qeveritare.

“Nuk është pandemia, por më e keqe se pandemia është politika që ndjek kjo qeveri. Dëgjoj qytetarë që nuk shkojmë në jug sepse na kushton nafta më shumë se një biletë easyjet. Njëri më thotë për të shkuar në Dhërmi më shkon 130 mijë lekë. Çmimet mund të jenë më të shtrenjta se sa arsyeja, por harrohet se po këta operatorë vjet kishin çmime të tjera. Sot këtu ushqimet kushtojnë 7-10% më shtrenjtë se në BE. Kjo është e dhënë statistike e EUROSTAT. Të shtrojmë një pyetje: A ka marrë një masë kjo qeveri për të lehtësuar turizmin në këtë periudhë? Çfarë fondesh ka angazhuar për të ndihmuar operatorët turistikë këtë verë që duket se është me probleme? Asgjë. Po e rrënon vjedhja turizmin dhe Shqipërinë”, u shpreh Berisha.

Të fundit