Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

U la jashtë Këshillit Kombëtar, Ristani: Basha është një aristokratuc, kopje e Ramës. Ambiciet e mia i kam realizuar

Politiko 19 Korrik 2021, 15:57

U la jashtë Këshillit Kombëtar, Ristani: Basha është

Ish-Sekretar i Përgjithshëm i PD-së, Arben Ristani, u la jashtë Këshillit Kombëtar pas zgjedhjeve për këtë organ në Kuvendin Kombëtar të PD-së të shtunën. Ai shprehet se ambiciet e tij në politikë i ka realizuar dhe qëndrimi i tij lidhet me të ardhmen e Partisë Demokratike.

Ristani thekson se ky Kuvend Kombëtar që pritej të ishte rikthimi i shresës në PD, nuk prodhoi asgjë dhe është për tu harruar pasi vetëm sa zgjidhi disa nga problemet e Bashës. Ai shton më tej se Lulzim Basha po kthehet në një autokrat në PD dhe sipas tij, ai po bëhet kopje e Edi Ramës.

“Problemi është që sot PD për herë të parë në këto 30 vjet demokraci do të jetë për herë të tretë në opozitë, opozita po vuan bashkë me shqiptarët për herë të tretë. Do të duhej një reflektim më i thellë, duhej të merreshin përgjegjësitë në lidhje me zgjedhjet e humbura dhe të ndodhte kthesa e madhe për të rikthyer ringritjen e Partisë Demokratike.

Por duket që ky Kongres është mbajtur për të mbyllur hallet e Bashës, i cili nuk ka një projekt për të udhëhequr PD-në. Ambiciet e mia në politikë i kam realizuar dhe ka rrugë të pafundme për t’u marrë me politikë kur t’i ke vokacion politik. Këshilli Kombëtar nuk mori asnjë vendim që nuk mund të mbahet mend. Mbledhja e mëparshme e Këshillit Kombëtar u mbajt në Zoom dhe nuk u mor asnjë vendim. Demokratët por dhe shqiptarët që e ndoqën Kongresin kuptuan dhe pamë cilat ishin propozimet e miratuara.

Në një Kongres që pritej të bënte ndryshimin e madh në fakt është një kongres për tu harruar pasi nuk prodhoi asgjë. Tre vendimet themelore të Kongresit ishte shtimi i numrit të anëtarëve të Këshillit Kombëtar, si dhe propozimet e emrave të rinj për në Këshill, që në thelb nuk sjell asnjë ndryshim dhe real. Ajo që pritej dhe duhet të bëhej, pasi ne kishim dhe një manifest të propozuar nga zoti Fatbardh Kadilli, që propozonte ndryshimet statuore mbi mënyrën si duhej të riorganizohej Partia Demokratike. U vendos nga Basha që këto propozime most ë shkonin në Kuvendin Kombëtar dhe ky Kongres që duhet të ishte i jashtëzakonshëm është për tu harruar dhe do të harrohet.

Lulzim Basha po ktheht në një autokrat. Një kopje e Edi Ramës. Në këto kushte ajo që pritet dhe duhet është që Basha të lihet mënjanë dhe autokracia e tij të lihet mënjanë. Përditë dhe më tepër ai po e kthen PD në një ndërmarrje private me pronar Bashën. Është duke parë vetëm interesat e tij. Çdo veprim që ak kryer, kemi një mos mbajtje të përgjegjësive për humbjet e njëpasnjëshme. Kemi mungesë të vizionit si do organizohet partia në të ardhmen”, tha Ristani për Fax News.

I pyetur për zërat se kunati i Bashës është përfshirë në prjektin e Portit të Durrësit, demokrati Arben Ristani tha se mes kreut të PD dhe Edi Ramës ka bahskëpunim ekonomik.

“Ajo që është e dukshme është që sundimtari dhe autokratuci Basha janë në lidhje, në komunikim me njëri-tjetrin. Kjo u paralajmëruar nga një deputete e rëndësishme e Bashës. E pyetur në media, ajo tha se nëse Rama do ishte serioz në ftesën e tij, atëherë vendimmarrja për Portin e Durrësit do ishte e përbashkët. Një gjë është e qartë: Bashkëpunimi i tyre ekonomik ka qenë dhe është në vazhdim." tha Ristani.