Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

U la jashtë listës, Gert Bogdani: Sfida ime është pushteti lokal dhe bashkia e Tiranës

Politiko 10 Mars 2021, 16:36

U la jashtë listës, Gert Bogdani: Sfida ime është pushteti

Ish-deputeti i PD-së Gert Bogdani ka treguar arsyet pse u la jashtë listë së PD-së për zgjedhjet parlamentare të 25 prillit. Ai ka deklaruar se vendimi për të mos kandiduar për deputet ka qenë i diskutuar më parë dhe ka pasur miratimin e palëve.

Bogdani thotë se sfida e tij është pushteti lokal dhe bashkia e Tiranës dhe beson se pas zgjedhjeve parlamentare do ketë një vendim nga Gjykata Kushtetuese për zgjedhjet vendore të 30 qershorit 2019.

“Ka qenë diskutuar dhe miratuar më parë ky vendim. Ka qenë një proces i gjatë, që nisi nga sita e anëtarësisë deri në miratimin e vendimit. Ka pasur një diskutim, ka pasur një dakordësim dhe të gjithë do të jenë të angazhuar në fushatë. Sfida ime është pushteti lokal dhe bashkia e Tiranës mbas 25 prillit, por ajo që është e rëndësishme aktualisht është sfida e 25 prillit, sepse rëndësi ka që të ndryshojë kjo qeveri dhe jo thjesht një rrotacion, por një ndryshim real.

Ka nisur puna edhe për zgjedhjet vendore të ardhshme, pasi sfidat vijnë njëra pas tjetrës. Herën e fundit nuk patëm zgjedhje vendore, patëm një votim mekanik njëpartiak. Unë besoj se pas kësaj do të kemi shqyrtimin e Kushtetueses, por sot data më e rëndësishme është 25 prilli”, u shpreh Bogdani për A2.

Të fundit