Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

U prit me protesta/ Basha nga Durrësi: S’kemi ardhur për të sharë asnjë demokrat, ata janë një pakicë

Politiko 22 Janar 2022, 18:11

U prit me protesta/ Basha nga Durrësi: S’kemi ardhur për të

Në fjalën e tij gjatë takimit me demokratët e Durrësit, Lulzim Basha komentoi edhe protestën me të cilën u prit.

Ai u shpreh se nuk ndodhet në Durrës për të sharë demokratët, por i cilësoi pakicë demokratët që protestuan kundër vizitës së tij, të cilën shprehen të zhgënjyer nga Basha dhe e akuzojnë se është shitur te qeveria.

Sipas Bashës, demokratët që e kundërshtojnë mbrojnë interest e ish-liderit Sali Berisha. Ai shpreh se shpallja “non grata” e Berishës ishte një 'shok' për Partinë Demokratike, ndërsa tha se më 8 janar kaloi vijën e kuqe.

Basha nuk i kurseu akuzat ndaj ish-liderit, duke pretenduar se Berisha donte t’i çonte demokratët në vëllavrasje.

“Ne nuk kemi ardhur për të sharë asnjë demokrat të vetëm. Nuk kemi ardhur për të shpifur ndaj asnjë shqiptari e jo më ndaj anëtarëve të familjes tonë politike. Nuk kemi ardhur të gënjejmë. Mbi të gjitha nuk kemi ardhur për veten tonë. Të gjithë kemi ardhur për Partinë Demokratike se kështu kemi ardhur për Durrësin dhe Shqipërinë.

Kemi ardhur për PD-në në një moment të veçantë kur një pakicë e vogël, mblidhet pikërisht për shkak të të kundërta, mblidhen për të shpifur dhe gënjyer për të linçuar demokratët e sakrificës.

Ata janë një pakicë sepse nuk i bashkon asnjë ideal dhe asnjë kauzë, por halli personal i një njeriu të vetëm. Premtoi në mes të verës se nuk do e merrte peng partinë për hallet personale. Shpallja 'non grata' nga SHBA ishte me të vërtetë një shok për ne. Por duke e parë se si sillet përditë me demokratët, dhe si kaloi vijën e kuqe në 8 janar, donte t’i çonte demokratët në vëllavrasje”, tha Basha.

 

Të fundit