Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

U shoqërua 'gabimisht', flet Arvit Bushati: Sulm politik, kam bërë padi për Policinë e Shkodrës

Politiko 31 Maj 2023, 08:56

U shoqërua 'gabimisht', flet Arvit Bushati: Sulm politik, kam

Policia e Shkodrës shoqëroi për disa orë Arvit Bushatin, nënkryetar i FPRD-së dhe drejtor i Ujesjellës Kanalizme në Shkodër. Bushati ishte shoqëruar si një person i shpallur në kërkim, por që në fakt rezultoi gabim nga ana e policisë.

Kjo për faktin se Bushati është lënë i lirë prej 17 majit pasi dyshimet për ndihma ushqimore gjatë fushatës elektorale të 14 majit, janë hedhur poshtë nga Gjykata e Shkallës së Parë në Shkodër.

Bushati e ka cilësuar shoqërimin në polici një sulm politik, pasi sipas tij Policia e Shtetit po kërkon të intimidojë përfaqësuesit e Partisë Demokratike në Shkodër.

Nënkryetari i FRPD-së tregoi se si ndodhi shoqërimi i tij nga efektivët dhe reagimin e efektivëve kur kuptu8an se masa e ndalimit ishte e pabazuar, pasi gjykata e kishte lënë të lirë Bushatin.

“Isha pas orarit zyrtar të punës dhe po konsumoja një kafe me përfaqësues të PD në Shkodër dhe në praninë tonë ishte edhe kryetari i bashkisë. Në ato momente u përballa me dy patrulla të policisë të cilat vetëm me dixhiturën ‘urdhër nga shefat, na vjen keq duhet të vish me ne’ më shoqëruan në masa të çuditshme për një lloj njeriu që nuk ka asnjë lloj shpjegimi ekstra për të bërë lidhjen me organet kompetente.

Pasi u gjenda në policinë e Shkodrës pashë hezitimin në fytyrat e tyre për urdhrat që kishin marrë nga drejtuesit politik të policisë së shtetit të kthyer në jeniçer pasi e kuptuan se masa dhe forma e ndalimit ishte totalisht e pabazuar në ligj dhe procedurë. Në kushte të tilla qëndrova prej 5 orësh i shoqëruar pa pasur asnëj lloj shpjegimi se cilat ishin arsyet që policia e shtetit bëri gjithë këtë organizim dhe gjithë këtë formë dhe mënyrë shoqërimi.

Në gjykimin tim ky është një sulm që bëhet sepse unë jam nënkryetari i përgjithshëm i Forumit Rinor të PD për gjithë Shqipërinë dhe gjykoj se kjo është një formë presioni që i bëhet përfaqësuesve të PD në Shkodër por kudo edhe në gjithë Shqipërinë. E dënoj me forcë qasjen që forcat e policisë kanë më Partinë Demokratike”, tha Bushati.

Bushati deklaroi se ka bërë një padi ndaj Policisë së Shkodrës.

“Më momentin që unë kryeva qëndrimin e padrejtë që mu bë, unë kam bërë një padi për policinë e Shkodrës por nuk e di të them të drejtën me sa shpresë do të jenë ato fakte që unë kam renditur do të merren parasysh”, shtoi Bushati.