Flash News

Mbaron numërimi në qarkun e Kukësit, PD fiton 2 mandate

Egnatia shpallet kampione e Shqipërisë, i shuan ëndrrën 24-vjeçare Vllaznisë

PD kryeson në Kavajë ndaj PS

Financial Times / Rama fiton mandatin e katërt: rrezikohet krijimi i një pluralizmi kozmetik

As PS, as PD/ Në Vaun e Dejës forcë e parë shpallet partia e Tom Doshit

Ditari i Opozitës

“U votua edhe nga Basha”, Berisha: Rama vetëm me borxhin që mori në 2021 mund të rriste rrogat 70%

Politiko 16 Mars 2023, 20:15

“U votua edhe nga Basha”, Berisha: Rama vetëm me borxhin

Kreu i PD, Sali Berisha ka sjellë në vëmendje rrogat dhe pensionet e shqiptarëve gjatë viteve të qeverisë Rama.

Nga Lushnja, Berisha tha se qeveria aktuale vetëm me borxhin që ka marrë në shtatorin e vitit 2021 prej 720 mln eurosh, e votuar edhe Lulzim Basha, mund të rriste rrogat e shqiptarëve 70%. 

Berisha: Ç’na ndodhi këto 8 vite? Këto 8 vite jemi të fundit, jemi 40 % nën Kosovën. A kishte mundësi? Ua them me sinqeritet nëse kryeministri shqiptar si çdo kryeministër tjetër, do të kishte dëshirë të ju shifte ju më mirë, më të mëkëmbur, do të kishte dëshirë të shifte qytetarët shqiptarë, nuk po them të pasur, se i pasur do kohë, por të mëkëmbur, kishte mundësi të rriste gjatë këtyre 8 viteve, të paktën 2-3 herë rrogat dhe pensionet e shqiptarëve.

Në 2005-2013 në dyfishuan rrogat dhe pensionet. Por ju jeni dëshmitarë se me ato para dhe ato që merrnim borxh sigurisht, me ato para ne arritëm të ndërtojmë 11 mijë km rrugë, arritëm të ndërtojmë, rindërtojmë 1300 shkolla, 700 kanalizime dhe ujësjellësa, qindra qendra shëndetësore, sollëm Shqipërinë në moshën digjitale, dhe dyfishuam rroga e pensione.

Borxhi u rrit nga 58.2 në 62.6%, u rrit pra 4.4 % të PBB. Edi Rama vetëm me borxhin që ka marrë në shtatorin e vitit 2021 që ja votoi edhe Lulzim Brava, vetëm me atë borxh 720 mln euro, mund të rriste rrogat e shqiptarëve 70%.  Ku janë? Pra, pse kjo, sepse vjedhin, vjedhin aq shumë sa e keni shumë të vështirë ta imagjinoni dhe mendoni.

Specialistë të ekonomisë të pavarur, kanë gjetur se këta në punët publike vjedh deri në 90% të investimit. Absolutisht bajpasi i Fierit, i standardeve më të gjera, me 2.8 mln euro, sepse e kanë ndërtuar bankat evropiane, ishin kredi të marra nga ne, dhe bankat të venë lupën nuk të lënë shpërdorimin. Ndërton të njëjtën rrugë në fushë në Tiranë me 24 mln euro kilometrin, ndërton të njëjtën rrugë. Greqia po ndërton autostradën Janinë-Kakavijë në terren gjysëm shkëmborë, zallor, me 4 mln euro kilometrin. Edi Rama po ndërton rrugët anësore nga Lekaj në Fier me 7.1 mln euro km. Çfarë bëhet kështu ndaj nesh.

Erion Veliaj ndërton shkolla në Tiranë, pasi u merr qytetarëve të Tiranës 42 mln euro taksë arsimi, në kundërshtim me Kushtetutën. Kushtetuta garanton arsimin falas, kurse ai nuk pyet për kushtetutën, u vë taksë familjeve dhe ndërton shkollën 6 mln euro, shkollën tjetër 4 mln euro, ndërkohë në të gjitha manualet e ndërtimit të BE-së dhe SHBA, ajo shkollë nuk kushton asnjë qindarkë më shumë se 700 mijë euro maksimumi.

 

Të fundit