Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Vasili “zhvishet” nga politika, i bën thirrje qytetarëve: Po thithim ajër kancerogjen!

Politiko 8 Maj 2023, 18:37

Vasili “zhvishet” nga politika, i bën thirrje qytetarëve:

Nënkryetari i Partisë së Lirisë, Petrit Vasili me anë të një postimi në Facebook ka paralajmëruar se shëndeti i qytetarëve të Tiranës është në rrezik.

Vasili deklaron se qytetarët thithin ajër të ndotur me kancerogjene dhe dëmtojnë kështu zemrën e mushkëritë.

“Të zgjedhim shëndetin”, është thirrja e Vasilit në rolin e mjekut dhe jo politikanit, për kryeqytetasit të cilët të dielën do t’u drejtohen kutive të votimit për të zgjedhur qytetarin e parë të Tiranës.

Vasili shprehet se ajri do ishte i pastër po të mos ekzistonte batërdia e ndërtimeve pafund dhe trafiku që sajohet qëllimisht në mënyrë që të shpenzohet karburanti dhe të fitojnë ata që shesin naftën dhe pluhurat e ndërtimit të atyre që duan të fitojnë shumë para, e kanë bërë këtë qytet të pajetueshëm.

Thirrja e Vasilit

Të lëmë menjanë sot politikën dhe fushatën elektorale. Të flasim për një gjë më të çmuar, për shëndetin. Ju me të drejtë thoni për mjaft të sëmurë me sëmundje të rënda, dje ishte shumë mirë, nga u shpif kjo sëmundje. Pyetje shumë e drejtë nga ju, por përgjigjen e madhe e kemi tashmë. Jo më larg se pak ditë më parë u bënë publike rezultatet e një studimi të instituti italian ‘Neotes’ ku është matur ambientin në Tiranë në 20 pika dhe rezulton në nivele të frikshme të substancave kancerogjene si benzini dhe oksidit të azotit.

Profesioni im është mjekësia e mjedisit, ndotja ambientale dhe ndikimi në shëndet. Ju them se vërtetë jemi në një situatë vërtetë kritike. Benzeni është substancë kancerogjene e nivelit të parë, shkaktare e leuçemive, me sëmundjet kanceroze. Oksidi i azotit shkaktar të sëmundjeve të frymëmarrjes dhe të zemrës. Të treja së bashku, kanceri, sëmundjet e zemrës, të mushkërive, ajnë shkaktaret kryesore për vdekshmërinë e njerëzve në Shqipëri dhe kudo në botë. Arsyeja e kësaj situate në Tiranë? Kemi të bëjmë me ndëertime pafund që i kanë mbytur mkjushëritë Tiranës, Tirana nuk merr frymë. Një trafik që në vend të lehtësohej, është rënduar në mënyrë çnjerëzore.

Pluhurat e ndërtimit, ju bashkëjetoni me to dhe thithni atë ajër. Në 24 orë në 24 ne thithim një ajër të tillë. Do ishte më i pastër po të mos ekzistonte batërdia e ndërtimeve pafund dhe trafiku që sajoje qëllimisht në mënyrë që të shpenzohet karburanti dhe të fitojnë ata që shesin naftën dhe pluhurat e ndërtimit të atyre që duan të fitojnë shumë para, e kanë bërë këtë qytet të pajetueshëm.

Mendoni për qindra e mijëra të sëmurë me sëmundje kronike, mendoni për qindra të sëmurë të tjerë që kaluan COVID-in dhe ngelën me pasoja po përballen me këtë ajër. është një situatë, po ua them si profesionist, po flet Petrit Vasili si profesionist, duhet patjetër të shëndoshim Tiranën. Prandaj në 14 Maj të votojmë për ndryshim. Tirana mbytet nga kullat e betonit, që helmohen qytetarët e saj, është një vrasëse e jetës tonë. Ajri i helmon të gjithë njëlloj. Të gjithë duhet të votojmë për shëndetin, të votojmë në emër të shëndetit. Kjo është një ftesë shumë miqësore prej mjeku dhe jo prej politikani.

<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Fpetritvasil%2Fvideos%2F1635722673522301%2F&show_text=true&width=267&t=0" width="267" height="591" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

Të fundit