Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

"Veliaj nuk është mbi ligjin", Bardhi: Ministri i Brendshëm dhe Drejtori i Përgjithshëm i Policisë së Shtetit duhet të shkarkohen menjëherë nga detyra

Politiko 14 Shkurt 2025, 11:59

"Veliaj nuk është mbi ligjin", Bardhi: Ministri i

Në një deklaratë të fortë, kreu i grupit Parlamentar të Partisë Demokratike, Gazment Bardhi ka akuzuar Ministrin e Brendshëm dhe Policinë e Shtetit për mosveprim dhe përpjekje për të penguar drejtësinë, lidhur me një tentativë të drejtorëve të Bashkisë së Tiranës për të intimiduar gjyqtarë dhe prokurorë.

Sipas Bardhit, ky veprim është pjesë e një mashtrimi institucional që ka për qëllim mbrojtjen e individëve të akuzuar për korrupsion, si Erion Veliaj, dhe përdorimin e shtetit për të mbështetur ata që janë nën hetim.

Ai kërkon që Ministri i Brendshëm dhe Drejtori i Policisë të shkarkohen dhe të ndiqen penalisht, duke theksuar se kjo situatë ka krijuar një rrezik të madh për sistemin e drejtësisë dhe ka sjellë një krim institucional ndaj pushtetit gjyqësor.

POSTIMI I PLOTË

Ministri i Brendshëm gënjeu dje publikisht dhe keqinformoi Kuvendin e Shqipërisë lidhur me mosveprimin e Policisë së Shtetit ndaj tentativës mafioze të drejtorëve batakçi të Bashkisë së Tiranës për të intimiduar fizikisht në krye të detyrës gjyqtarët dhe prokurorët e posaçëm.

Ky mashtrim institucional dhe publik i Ministrit të Brendshëm provon edhe autorësinë e urdhrit politik për të penguar drejtësinë që të mbajë përgjegjës para ligjit cilido, pavarësisht statusit të tij.

Erion Veliaj nuk është mbi ligjin. Ai është mik e bashkëpunëtor i afërt i Edi Ramës, por ky i fundit nuk mund të keqpërdorë shtetin dhe Policinë e Shtetit për ti ardhur në ndihmë një personi që hetohet për korrupsion dhe pastrim parash.

Edi Rama mund të zgjedhë të jetë avokat i Erion Veliajt, por këtë duhet ta bëjë privatisht, jo duke keqpërdorur institucionet e shtetit.

Mosveprimi i Policisë së Shtetit, që sipas GJKKO dhe SPAK, ka vënë në rrezik jetën dhe shëndetin e gjyqtarëve, prokurorëve dhe stafit administrativ, në krye të detyrës, nuk mund të kalojë në heshtje.

Ministri i Brendshëm dhe Drejtori i Përgjithshëm i Policisë së Shtetit duhet të shkarkohen menjëherë nga detyra dhe të ndiqen penalisht.

E kundërta, mosveprimi i Edi Ramës, e bën atë jo vetëm drejtpërdrejt përgjegjës për situatën, por është edhe një grusht shteti i pushtetit ekzekutiv ndaj pushtetit gjyqësor, duke zbatuar parimin mafioz se nëse gjykata e prokuroria dënon e heton pa leje, atëherë do jenë të vetëm e pa mbrojtjen e shtetit. Kjo nuk do të ishte thjesht e paprecedentë, por KRIMINALE!