Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Video/ Rishfaqet "Babalja": Salianji nuk ka lidhje fare, Fredi Alizoti u pagua nga Fatmir Xhafaj

Politiko 4 Nëntor 2024, 18:08

Video/ Rishfaqet "Babalja": Salianji nuk ka lidhje fare, Fredi Alizoti

Rishfaqet pas 7 vitesh, Albert Veliu , i njohur ndryshe dhe si "Babalja", siç është dhe emri i dosjes që çoi prapa hekurave politikanin demokrat Ervin Salianji.

Në një video-rrëfim të publikuar nga kreu i PD, Sali Berisha ai thotë se të gjitha provat origjinale, duke përfshirë dhe një USB, i ka ai.

Veliu shprehet se ish-deputeti Salianji po e bën kot burgun pasi nuk ka asnjë faj.

Sipas tij, gjithçka ka qenë e drejtë për denoncimin që lidhet me vëllain e ish-ministrit Fatmir Xhafaj, shtetasin Geron Xhafaj.

“Ishte loja e Fredit, jo e imja. Salianji nuk ka lidhje fare, ia kanë bërë për hakmarrje, gjithçka kam thënë është e vërtetë, e para e punës. E dyta e punës, mua Agron Xhafaj më detyrohet 300 mijë euro, se më ka bërë golin në Itali. Unë nuk kam folur për një pakt që fola në prokurori me vëllain e tij dhe me prokurorin “ti nuk duhet të flasësh, ne s’do flasim” por tani që ai doli në intervistë, po flas, që ata mua më detyrohen 300 mijë euro.

Më ka bërë golin në Itali i vëllai i tij. E kam bërë burgun dhe të gjitha, si në Itali, në Belgjikë i kam shlyer detyrimet. Tani punoj në ndërtim, shikoj jetën time. Por ata Salianjit i kanë rënë në qafë. Salianji s’ka lidhje me këtë punë, kjo ishte loje e Fredi Alizotit”, thotë Veliu ndër të tjera në video.

Kjo rishfaqje e Veliut vjen vetëm pak kohë pas dënimit me një vit burg të ish-deputetit të Partisë Demokratike, Ervin Salianjit lidhur me një video-përgjimi ku pretendohej se shfaqej Geron (Agron) Xhafaj, vëllai i ish-ministrit Fatmir Xhafaj. 

Të fundit