Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Viti i ri shkollor, kreu i Komisionit të Edukimit rendit problematikat: Qeveria nuk ofron model Skenderbeun, por nështrimin

Politiko 27 Shtator 2021, 11:24

Viti i ri shkollor, kreu i Komisionit të Edukimit rendit problematikat:

Kryetar i Komisionit të Edukimit dhe Medias Agron Gjekmarkaj ka reaguar për nisjen e vitit të ri shkollor, duke evidentuar problematikat që e shoqërojnë.

Në një analizë të gjatë të situatës, ai thekson se ky i vit i ri mësimor po nis në kushtet e kaosit dhe amullisë për shkak të pandemisë. Gjekmarkaj ngre si problem dhe mënyrën e trajtimit të arsimtarëve.

Gjithashtu shton se me mësimin e reduktuar është e pamundur që të merren njohuritë e nevojshme. Mungesa e investimit në teknologji është një tjetër shqetësim që ngre deputeti demokrat.

"Por sot Shqiperia e nis vitin e ri shkollor në kaos dhe amulli në kushtet e pandemisë ! Pa asnjë siguri shendetesore për femijet dhe mesuesit të cileve prej vitesh nuk ju shtohet rroga dhe nuk ju çmohet puna! Analfabetizmi funksional po kap nivele të frigshme.

Shumë shkolla mbyllen se femijet ikin bashkë me familjet në emigrim, gjëndja e tyre fizike shpesh është katastrofike! Në shkollat publike prej gati dy vitesh bëhen vetem dy ore mesim në ditë! Si mund të asimilosh programin dhe të nxesh në një kohë kaq të shkurter ! Jemi perballë një shakaje tragjike. Investimi në teknologji është në nivele që nuk i pergjigjen askund nevojave të kohes", shkruan Gjekmarkaj.

Ky i fundit thotë se vëmendja dhe buxheti për arsimin ka rënë, ndërsa nënvizon se është shtuar propaganda. Sipas Gjekmarkaj, qeveria kërkon një model shkolle që kultivon nënshtrimin.

Qeverinë Rama, deputeti demokrat e konsideron armike të dijes. Gjemarkaj thotë se në shkolla nuk po ofrohet modeli i Skënderbeut, por i nështrimit ndaj atyre që kanë bërë krime ndaj kombit shqiptar, duke braktisur Kosoven në sfidat e saj historike.

"Buxheti për arsimin është tejet i ulet! Vemendja ndaj arsimit ka rënë është shtuar vetem propaganda! Siç është shkolla sot do të jetë Shqiperia neser! Qeveria që vjedh zgjedhjet dhe kryen masaker zgjedhore nuk është e interesuar që Shqiperia të ndryshojë! Ajo kërkon qytetarë të nënshtruar dhe një shkollë që e kultivon nënshtrimin ! Ajo u ofron femijeve si model vjedhjen e votes dhe pushtetin e të forteve, sublimitetin e injorances dhe perbuzjen ndaj dijes, ajo ofron servilizmin dhe lotet si cv-ja më e mirë per karriere! Ajo nuk ofron për model Skenderbeun e vertete por ata që shefin e quajnë Skenderbe ! Qeveria e Edi Rames është armike e dijes sepse ajo i shkurton jeten asaj !

Ky ekzekutiv të ofron çmimin e çdo gjëje dhe vleren e asgjëje, të ofron "Kurbanin" manifestin e "Rilindjes" aktuale si vlere maksimale dhe Rilindjen e vertete si vlere minimale !Sot në Shqiperi me perkrahje politike dudumi bëhet Pasha dhe Pashai të merr çdo gjë edhe tenderin për shkollen e re që perfundon si kotec!

Kjo qeveri nipave të Kastriotit ju ofron nënshtrimin ndaj atyre që kanë bërë krime ndaj kombit shqiptar duke braktisur Kosoven në sfidat e saj historike! Po kaq ju ofron korrupsionin në vend të punes! Çdo fillim viti shkollor është një ditë shprese ! Mesuesit ndonëse të lënë në harrese e viktima të një "sistemi" që vajiset në zyrat e PS do ju mesojnë femijeve kushtrimin e e Fishtes " mallkue kjoftë njaj bir shqiptari që ket giuhë të perenisë trashigim që na la i pari, trashegim s'ja len aj fmisë", po ka kaq himnin kombetar me pohimin "që kombe shuhen për mbi dhe, por Shqiperia do të rrojë, për të, për të, luftojmë ne" ! Të dashur femijë dhe adaloshentë, "asgje nuk është më besnik sesa një liber" !-", shkruan ndër të tjera Gjemarkaj.