Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Vizita e Escobar, Pollo: Rama dhe Basha donin ta përdornin, por dështuan

Politiko 10 Dhjetor 2021, 13:28

Ish-deputeti i Partisë Demokratike, Genc Pollo, shprehet se kryeministri Edi Rama dhe krydemokrati Lulzim Basha, synonin të përdornin zyrtarin e Lrtë amerikan, Gabriel Escobar, gjatë vizitës së tij dje në Tiranë.

Në një postim në Facebook, Pollo shkruan se Rama kërkonte një fjali në favor të ‘Open Balkan’, ndërsa Basha një fjali kundër Berishës dhe Kuvendit të 11 Dhjetorit.

“Por ndyshe nga çfarë mund të jetë thënë edhe shkarazi muaj më parë,  diplomati amerikan, përmes njoftimit zyrtar, zgjodhi të mos shprehte përkrahje për nismën Vuçiç-Rama; gjithashtu ai e pa me vend të mos deklaronte asnjë kritikë ndaj mazhorancës stërmadhe të demokratëve dhe institucioneve legjitime të Partisë Demokratike”, shkruan Pollo në Facebook.

Postimi:

Si Rama ashtu edhe Basha synonin t'a përdornin vizitorin nga Washingtoni.

Rama donte t'i shkëpuste diplomatit amerikan një fjalë në favor të Minishengenit/Ballkan-Hapu.

Basha donte t'i shkëpuste diplomatit amerikan një fjali kundër Berishës e kundër kuvendit partiak në 11 dhjetor.

Por  ndyshe nga çfarë mund të jetë thënë edhe shkarazi muaj më parë,  diplomati amerikan, përmes njoftimit zyrtar, zgjodhi të mos shprehte përkrahje për nismën Vuçiç-Rama; gjithashtu ai e pa me vend të mos deklaronte asnjë kritikë ndaj mazhorancës stërmadhe të demokratëve dhe institucioneve legjitime të Partisë Demokratike.

Rama e Basha dështuan.

Të fundit