Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Vokshi: Kemi gati raportin qindrafaqësh, “the blackbook” të masakrës elektorale për ndërkombëtarët

Politiko 21 Qershor 2021, 14:09

Vokshi: Kemi gati raportin qindrafaqësh, “the blackbook”

Albana Vokshi, deputete e zgjedhur e PD-së më 25 prill, shprehet e bindur se rezultati i zgjedhjeve është devijuar nga ana e nazhorancës me shumë mënyra dhe se ato nuk ishin as të lira dhe as demokratike.

Për këtë ajo i referohet nga lista me të dhëna që kishin në dispozicion patronazhistët me punonjës të administratës, blerjen e votave nga krimi, legalizimet e shpërndarë para zgjedhjeve, punësimet elektorale, hedhja e asfalteve elektorale, shpërndarjen e ndihmave ushqimore, etj.

Vokshi tregon se PD-ja ka përgatitur një raport qindra faqesh, “the black book” të masakrës elektorale të 25 prillit për ndërkombëtarët dhe shprehet se OSBE/ODIHR nuk i ka certifikuar ende zgjedhjet parlamentare të 25 prillit.

"Në Shqipëri që prej vitit 2013 nuk ka zgjedhje të lira e të ndershme, por ka vjedhje të zgjedhjeve nga partia-shtet, e bërë palë me krimin e organizuar. Ndaj po e nis nga ajo, që unë e konsideroj si krimin më të rëndë zgjedhor: të dhëna t e miliona shqiptarëve u vodhën në mënyrë antiligjore e më tej u keqpërdorën nga ushtria e patronazhistëve nëpunës të administratës. Vetëm në njësinë administrative nr. 9, ministrja Ogerta Manastirliu kishte ngritur ushtrinë e patronazhistëve nëpunës të administratës që ajo drejton, por edhe të institucioneve të tjera në nivel qendror e vendor, që duke keqpërdorur vjedhjen e tëdhënave personale, kanë patronazhuar mbi 35 mijë zgjedhës. Mendoni në çfarë përmasash ka funksionuar kjo skemë në të gjithëShqipërinë. Janë evidentuar disa nga grupet kriminale, që kane blerë votën. Është fakt që vetëm 3 muajt e fundit para zgjedhjeve janë bërë 23 mijë legalizime, të cilat janë shpërndarë nga kandidatët e PS-së (OgertaManastirlliu, Uls i Manja etj.) nëpër shtëpi në këmbim të votave, në shkelje të ligjit. 23 mijë legalizime në tre muajt e fundit, aq sa PS-ja nuk ka bërë ndoshta për 4 vite. Në muajt e fundit janë bërë më shumë së 13 mijë punësime elektorale. 1000 specializantët e mjekësisë u shkarkuan menjë firmë të ministres së Shëndetësisëmenjëherë pas zgjedhjeve e të tjera shkarkime do të vijojnë në ditët e javët qëdo të vijnë. Në dhjetëra rrugë të Tiranës është hedhur asfalt elektoral edhe ditën qëduhet të ishte heshtje elektorale, pa projekt, pa transparencë. Mijëra ndërtime pa leje, me miratimin e shtabeve elektorale të kandidatëve, në këmbim të votave. Shpërndarja e ndihmave ushqimore në këmbim të votave etj.. I tërë shteti në këmbë, në dispozicion të shtabeve elektorale të PS-së, për ruajtjen e karriges së pushtetit të Edi Ramës. Zgjedhjet nuk ishin as të lira e as demokratike. Fushata e PS-së është zhvilluar në paligjshmëri totale.Kandidatët e PS-së, të përfshirë në krimin elektoral të 25 prillit, që do mbahet mend si një ditë e zezë për demokracinë nëShqipëri. Ndaj, PD-ja dhe opozita ështëpërsëri në misionin e saj për votë të lirëe për rikthimin e demokracisë në vend. Edi Rama është armiku më i madh i zgjedhjeve tëlira. Me Ramën në pushtet s’do ketëasnjëherë zgjedhje të lira. Mbështetja e jashtëzakonshme, që mori alternativa e PD-së tregon se demokratët janë të vendosur dhe të bashkuar për të vijuar betejën për demokracinë dhe për të sjellë ndryshimin në Shqipëri. E kjo, jo duke përdorur të njëjta mjete të kundërshtarit (krimi, pushteti, korrupsioni), por duke përdorur vlerat, që janë në themel të Partisë Demokratike.

Ndryshe nga ajo çfarë Edi Rama pretendon, OSBE/ODIHR nuk i ka klasifikuar zgjedhjet si të lira e të ndershme, nuk ka thënë që u plotësuan standardet demokratike. PD-ja gjatë fushatës, gjatë ditës së zgjedhjeve, por edhe në vijim ka informuar misionin e OSBE/ODHIR, që vëzhgoi zgjedhjet, me çdo të dhënë, fakt, provë, info rreth zgjedhjeve në të gjitha qarqet që provojnë masakrën zgjedhore. PD-ja ka përgatitur një raport qindra faqesh, “the black book” të masakrës elektorale të 25 prillit për ndërkombëtarët, ku janë evidentuar rastet e shitblerjes së votës, intimidimi i zgjedhësve nga bandat kriminale, përdorimi i burimeve financiare dhe humane nga shtabet elektorale të kandidatëve të PS-së, për çdo akt antikushtetues e antiligjor qëka devijuar vullnetin e zgjedhësve." shprehet Vokshi në një intervistë për "Gazetën Shqiptare".