Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Vokshi në Këshillin e Europës: Shqipëria po humb të ardhmen nga emigracioni masiv

Politiko 30 Janar 2025, 21:15

Vokshi në Këshillin e Europës: Shqipëria po humb të

Deputetja e Partisë Demokratike, Albana Vokshi, ngriti alarmin mbi krizën demografike që po përjeton Shqipëria për shkak të emigracionit masiv, gjatë fjalës së saj në Asamblenë Parlamentare të Këshillit të Europës (PACE).

Vokshi theksoi se mbi një milion shqiptarë janë larguar gjatë dekadës së fundit, ku 75% e tyre janë profesionistë të rinj, studentë dhe punëtorë të kualifikuar.

“Nuk është thjesht një ndryshim demografik, por shterimi i së ardhmes së kombit tonë. Shqipëria është vend kandidat për në BE, por qytetarët nuk po presin më anëtarësimin  ata po bëhen europianë vetë,” u shpreh deputetja demokrate.

Ajo kritikoi faktin se ndërsa BE investon qindra miliona euro për forcimin e demokracisë dhe shtetit të së drejtës në Shqipëri, në të njëjtën kohë përfiton nga largimi i profesionistëve shqiptarë.

“Çdo mjek që largohet është një humbje e madhe financiare dhe njerëzore. Ndërkohë që BE-ja përfiton, Shqipëria vuan nga një shërbim shëndetësor i dobët dhe mungesë specialistësh. Më e rëndësishmja, emigrimi po dobëson demokracinë: ata që largohen janë pikërisht ata që mund të sillnin ndryshimin,” u shpreh Vokshi.

Sipas saj, Shqipëria dhe BE duhet të bashkëpunojnë për të thyer këtë cikël negativ, duke ofruar stimuj për të rinjtë që të qëndrojnë, përmes reformave ekonomike dhe forcimit të sundimit të ligjit.

“Një Shqipëri e qëndrueshme dhe e zhvilluar forcon gjithë Europën. Kjo Asamble nuk duhet ta shohë Shqipërinë vetëm si një burim migrimi, por si një komb që ka nevojë urgjente për veprim. Sepse kur demokracia dobësohet në një cep të Evropës, ajo na prek të gjithëve,” përfundoi Vokshi.

Të fundit