Flash News

FOTO/ Ky është Martin Bardhi, i ekzekutuar në Rrëshen

Gjykata e Lartë nuk pranon rekurset e Fredi Belerit, mbetet në burg

Kërkoi heqjen sekuestros nga një llogari bankare, GJKKO ‘rrëzon’ Ahmetajn

Zija e shpallur nga Serbia për 3 agresorët, Rama merr rolin e "liderit": Beogradi po i fryn zjarrit

3 të plagosurit e atentatit të Martin Bardhit dërgohen tek Trauma, 2 në gjendje të rëndë

Ditari i Opozitës

Vokshi paraqitet në SPAK, bën kallëzim penal për kryebashkiakun e Kuçovës dhe Salillarin

Politiko 29 Maj 2023, 11:11

Vokshi paraqitet në SPAK, bën kallëzim penal për

Deputetja e Partisë Demokratike, Albana Vokshi ishte e pranishme në SPAK, ku ka kallëzuar kryebashkiakun e Kuçovës, Kreshnik Hajdari dhe biznesmenin Pëllumb Salillari.

Ajo tha për mediat se të dy kanë përdorur postin e tyre dhe burimet financiare, për atë që ajo e cilësoi krimin elektoral të 14 Majit. Vokshi u shpreh se SPAK refuzon të hetojë krimet elektorale, ndërsa njoftoi se kanë dorëzuar rreth 30 kallëzime për zgjedhjet.

“Sot u paraqita për njërin nga shumë kallëzime që kemi dërguar në SPAK në lidhje me krimet elektorale të ndodhura para dhe gjatë ditës së zgjedhjeve. Sot isha për të dëshmuar për kallëzimin penal që kemi bërë për kryetarin e Bashkisë së Kuçovës si dhe biznesmeni Pëllumb Salillari.

"Dhashë të gjitha faktet, provat, fotot, videot dhe një pjesë do e dërgoj me shkresë zyrtare, në lidhje me këta dy shtetas që kanë përdorur postin e tyre, po flasin për kryetarin e bashkisë, por duke pasur një lidhje korruptive dhe klienteliste me biznesmenin Pëllumb Salillari, kanë përdorur paratë e buxhetit për përfitime elektorale."

"Ky është një rast i pasur që dëshmon se paratë e korrupsionit dhe lidhja e qeverisë me oligarkët është përdorur për blerë votat. Dëshmohet se si partia shtet ka abuzuar me paratë e taksa shqiptarëve dhe të gjitha burimet shtetërore për të fituar zgjedhjet e 14 majit,” tha Vokshi.

Sipas saj, opozita ka depozituar shumë kallëzime edhe për Edi Ramën dhe ministrat, por SPAK nuk reagon.

“Në rastin e Edi Ramës, ka disa kallëzime që PD i ka bërë. Por sa shohin emrin e Edi Ramës, SPAK refuzon të hetojë,” tha Vokshi.

Të fundit