Flash News

Familja me 5 anëtarë bllokohet në malin e Tomorit nga moti i keq, ndërhyn policia

Bora bllokon rrugën e Arbrit, situatë problematike edhe në Qafën e Ulzës

Moti i keq bllokon rrugët në Shqipëri, policia: Ja akset problematike

I kërkuar për ekstradim në Itali, arrestohet kreu i klanit "Farruku"

Shpërthim me tritol në një hotel në Theth

Ditari i Opozitës

Vrasja në Ndroq, Berisha: U ekzekutua publikisht dëshmitari i copëtimit të Jan Prengës

Politiko 2 Dhjetor 2024, 12:55

Vrasja në Ndroq, Berisha: U ekzekutua publikisht dëshmitari i

Kreu i demokratëve, Sali Berisha ka folur për vrasjen e Alfred Dedjas në Ndroq, i cili dikur kishte punuar si menaxher në biznesin e Altin Hajrit, ku u rrëmbye dhe u vra Jan Prenga.

Berisha tha s enë vrasjen e djeshme, u ekzekutua publikisht dëshmitari kyç i rrëmbimit dhe vrasjes së Prengës.

Sipas Berishës, qëllimi kryesor është mbyllja e çështjes.

Berisha: Çështja e dytë për të cilën jam sot para jush, dje mbasdite u ekzekutua publikisht në Ndroq dëshmitari i copëtimit të Jan Prengës, njeriut që dinte të gjitha. Ai, Dedja, kishte qenë menaxher i lokalit të Altin Hajrit.

Imagjinoni ju një moment, njeriu që e kishte liruar nga burgu këtë Julian Gjoshin, që kishte ngritur shtetin në këmbë për ta liruar, tani e urdhëron në një akt in-ekstremis, të vrasë në publik dëshmitarin e vetëm të mundshëm të copëtimit makabër të trupit të Jan Prengës.

E gjitha kjo një vepër shtetërore mafioze. Mafia me shtetin të bashkuar.

E gjitha kjo për të mbyllur aferën, sepse ju e dini se për Jan Prengën u akuzuan kamerierët e Altin Hajrit, kurse Altini është i lirë, Altini tani pastron oborrin dhe u detyrua në fund të nisë kunatin e tij të kryejë vrasjen publike.

Vrasja mafioze e djeshme është dëshmi e funksionimit si një sipërmarrje e përbashkët e shtetit me krimin, e mafies me shtetin.

Ndryshe, Dedja duhet të ishte një dëshmitar i mbrojtur, i çmuar, por nuk pati kurrë dëshirë për të zbardhur vrasjen e Jan Prengës.

Edhe këto që shihni ju, dosjet që të gjitha vijnë nga jashtë, Dumani fle mbi to. Të gjitha janë nisma të prokurorive partnere, asnjë nismë e tij. Jo, aty i ka pasur të gjitha veprimet.

Të fundit