Flash News

Ditari i Opozitës

Vrasja te Top Channel/ Reagon Boçi: Akt terrorist! Të zbardhet urgjentisht ngjarja

Vrasja te Top Channel/ Reagon Boçi: Akt terrorist! Të zbardhet

Kandidati demokrat për Bashkinë e Elbasanit, Luçiano Boçi ka reaguar pas ngjarjes që ndodhi në ambientet e Top Channel.

Përmes një postimi në Facebook, Boçi shkruan se ky është një sulm ndaj fjalës së lirë, ndërsa ka bërë thirrje për zbardhjen urgjente të ngjarjes.

Gjithashtu Boçi është ndalur edhe te humbja e jetës së punonjësit të sigurisë, ku sipas tij e bën akoma më tragjike ngjarjen dhe është një tjetër jetë e pafajshme që humb nga breshëritë e plumbave brenda një kohe të shkurtër.

Sulmi i armatosur ndaj Top Channel është një akt terrorist që kërkon përgjigje të menjëhershme!

Të qëllosh me breshëri plumbash ndaj godinës së një medie kombëtare është të sulmosh fjalën e lirë dhe një prej pushteteve më të rëndësishme në vend!

Humbja e jetës së punonjësit të  kompanisë së sigurisë, Pal Kola, e bën akoma më tragjike ngjarjen dhe është një tjetër jetë e pafajshme që humb nga breshëritë e plumbave brenda një kohe të shkurtër.

Siguria publike në vend është në ditët e saj më të zeza! Kjo është një ngjarje që duhet zbardhur urgjentish!t”, shkruan Boçi.

 

 

Të fundit