Flash News

Aksion kundër lojërave të fatit, një i arrestuar në Elbasan, procedohen 2 punonjës policie

Tiranë/ Procedohet 26-vjeçarja, dhunoi një fëmijë në kopsht

U la në burg pa afat, shoferi i betonieres në gjykatë: Tentova të hap dyert e makinës së djegur, por…

Aksidenti me 4 viktima, Gjykata lë në burg shoferin 24-vjeçar të betonieres

Operacioni në Korçë, policia jep detaje: 10 të arrestuar, 3 prej tyre pronarë lokalesh

Ditari i Opozitës

Xhaferri: McGonigal dhe Inceneratorët, a është Gjiknuri kurbani i radhës i Ramës?

Politiko 1 Mars 2024, 12:29

Xhaferri: McGonigal dhe Inceneratorët, a është Gjiknuri kurbani i

Prej më shumë se dy orësh deputeti socialist Damian Gjiknuri ndodhet në SPAK. Deri tani thuhet se Gjiknuri po pyetet për aferën e inceneratorëve.

Kreu i FRPD-së, Besart Xhaferri, rikujton momentin kur Gjiknuri u pyet për dëshminë e Ahmetajt dhe tha se do të fliste për kujtimet e tij kur të përfundonte karrierën politike.

Xhaferri ngre pyetjen nëse Gjiknuri do të jetë kurbani i radhës për të shpëtuar Edi Ramën. Ai shton se pas Ahmetajt, Gjiknuri është ndër njerëzit më të pushtetshëm të Rilindjes që ka më shumë njerëz në qeli se në seli.

“Damian Gjiknuri pak javë më parë i pyetur për dëshminë tronditëse të Arben Ahmetajt, u shpreh se kur të dilte në pension politik, do fliste për kujtimet e tij, por harroi se pensioni politik nuk është çështje moshe dhe angazhimi, por çështje dëshire e shefit të tij, që deklaratën e Gjiknurit mund ta ketë lexuar si kërcënim.

Sot Damian Gjiknuri është paraqitur në SPAK, teksa emri i tij del në dy dosje përvëluese për këtë mazhorancë si ajo McGonigal dhe e Inceneratorëve.

Nuk e di nëse Gjiknuri do të jetë i aftë të respektojë kodin "Omerta" për të shpëtuar shefin e tij apo do ndjekë standardin e Ahmetajt, duke orientuar SPAK se në zinxhirin e këtyre megaaferave ai është thjeshtë një hallkë, pasi bosi i vërtetë është ai që SPAK nuk guxon t'i përmendë as emrin.

Pas Ahmetajt, Damian Gjiknuri, ka qenë ndër njerëzit më të pushtetshëm të Organizatës së Rilindjes, që sot ka më shumë eksponentë në qeli se në seli!”, shkruan Xhaferri.

Të fundit