Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Xhaferri: Vila e Ramës në Surrel do të kthehet në muze korrupsioni si vila e Imelda Marcosit në Filipine

Politiko 27 Dhjetor 2025, 21:03

Xhaferri: Vila e Ramës në Surrel do të kthehet në muze

Deputeti demokrat Besart Xhaferri, së bashku me të rinjtë e FRPD, ka protestuar sot në Surrel, përpara vilës së kryeministrit Edi Rama, të cilën e cilësoi si “strofullën e korrupsionit dhe krimit të organizuar”.

Në një deklaratë të fortë për mediat, Xhaferri u shpreh se zyra e Kryeministrit është shndërruar në një qendër ku ndërthuren interesat e krimit të organizuar me zyrtarë të korruptuar, duke e krahasuar situatën në Shqipëri me raste ekstreme të korrupsionit në botë.

Ai ngriti pikëpyetje mbi origjinën e pasurisë së vilës në Surrel, duke theksuar se për ndërtimin e saj nuk ka pasur kurrë transparencë, ndërsa akuzoi kryeministrin për luks ekstrem në një kohë kur, sipas tij, qytetarët përballen me mungesë shërbimesh jetike, përfshirë shëndetësinë.

REAGIMI:

Sot, bashkë me të rinjtë e FRPD-së, erdhëm të protestonim në Surrel, sepse këtu ndodhet strofulla e atij njeriu që zyrën e Kryeministrit të Shqipërisë e ktheu në një shpellë ku, si askund tjetër në Evropë, ndërthuren interesat e krimit të organizuar me ato të zyrtarëve të korruptuar.

Në këtë vilë që kushton gati sa gjysma e 300 apartamenteve të Ballukut, për të cilën Edi Rama nuk ka bërë kurrë transparencë se me çfarë parash është ndërtuar, konsumohen çdo natë shishe vere nga 30 mijë euro, në një kohë kur në Onkologjik reduktohen dozat e ilaçeve për fëmijët e prekur nga kanceri.

AKSHI, nga ku të dhënat tona iu kaluan patronazhistëve, inceneratorët që djegin vetëm taksat tona, PPP-të në shëndetësi që po na vrasin, rrugët e florinjta dhe kullat që po na lënë të pastrehë, janë afera që i kanë themelet pikërisht këtu, në këtë vilë në Surrel.

Në këtë bunker, ku me gjasë ka më shumë para cash dhe lingota ari sesa në shtëpitë e Imelda Markosit të Filipineve apo diktatorëve të vendeve të Afrikës, një ditë, kur Edi Rama të përgjigjet para ligjit, kjo vilë do të kthehet në një muze korrupsioni.

Të rinjtë e këtij vendi duhet ta dinë se ai që përzuri më shumë të rinj nga Shqipëria se kushdo tjetër, dhe ai që i la të rinjtë të pastrehë duke e kthyer pastrimin e parave në ndërtim në biznes privat, ka emër dhe quhet Edvin Rama.

Të rinjtë duhet ta dinë se ai që u vjedh të ardhmen dhe ai që tradhton Kosovën, duke i ngulur thikën pas shpine për llogari të Aleksandër Vuçiçit, ka emër dhe quhet Edvin Rama.

Protestat tona sapo kanë nisur dhe të jeni të sigurt se nuk do të ndalen derisa Edi Rama të largohet nga pushteti dhe të përgjigjet para drejtësisë për çdo krim që i ka kryer këtij vendi.