Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Zgjatja e vettingut, Kryemadhi tregon votat e LSI: Ne abstenuam, PD ndryshoi qëndrim brenda orës

Politiko 10 Shkurt 2022, 16:24

Zgjatja e vettingut, Kryemadhi tregon votat e LSI: Ne abstenuam, PD ndryshoi

Kryetarja e LSI, Monika Kryemadhi ka bërë publike qëndrimin e deputetëve të LSI lidhur me zgjatjen e mandatit të organeve të vettingut në seancën parlamentare.

Në oborrin e Kuvendit, Kryemadhi tha para gazetarëve se LSI abstenoi, ndërsa pro zgjatjes së mandatit të organeve të drejtësisë ka votuar vetëm deputeti Agron Çela.

“Në abstenuam zgjatjen e afateve të vetingut. Në vijim duhet të bëhet analizë e thellë e Reformës në Drejtësi. Po ashtu, votova kundër për reformën territoriale dhe pro për atë zgjedhore. Sistemi i drejtësisë vazhdon të jetë peng i një grupi të kapur nga qeveria. Zoti Çela ka votuar pro, unë abstenova. Kur PD ndryshon mendim brenda një orë s’ka pse të mos votojë pro Çela”, tha Kryemadhi.

Më herët, Kryemadhi u shpreh nga foltorja e parlamentit se deputetët nuk duhet ta votojnë zgjatjen e afateve të vetingut nga frika e prokurorëve belg, apo kolegëve që janë në burg, por ta votojnë për një drejtësi të cilët kanë nevojë qytetarët shqiptarë.

“Nuk e dimë ende nëse vetingut i duhet 2 vite apo më shumë, apo nevojitet më shumë staf apo buxhet, por me thënë të drejtën është ajo që dua të them është që kur të votojmë në parlament as të mos votojmë nga frika e prokurorëve belg, as nga frika e kolegëve që janë në burg, por të votojmë për një drejtësi që kanë nevojë qytetarët shqiptarë, që mos të mbetemi peng as të kaluarës dhe as të së tashmes, por as për të përsëritur dhe batutat e para 50 viteve të Kinostudios “Shqipëria e re”, “gëlltit një lugë çorbë të prishur dhe pastaj vjedh gjithë jetën”, tha kryetarja e LSI.

 

 

Të fundit