Flash News

KAS rrëzon PS-në për rivlerësimin e votave

Gjuha shqipe përfshihet në komunikimet zyrtare të shkollave publike në Nju Jork

Aksidentohet në Itali, humb jetën 46-vjeçari shqiptar (EMRI)

Amerikani i fiksuar me Shqipërinë, vend për të cilin do shkruante një himn

Farsa zgjedhore/ Berisha publikon fakte dhe dëshmi të reja për manipulimin e votave të diasporës

Ditari i Opozitës

"Zgjedhjet krim elektoral"/ Berisha paralajmëron protesta brenda dhe jashtë vendit

Politiko 20 Qershor 2025, 13:09

"Zgjedhjet krim elektoral"/ Berisha paralajmëron protesta brenda

Kryetari i Partisë Demokratike, Sali Berisha ka bërë një tjetër deklaratë të fortë në lidhje me zgjedhjet e 11 Majit ku ka akuzuar qeverinë për manipulim elektoral.

Në një deklaratë për mediat, Berisha u shpreh se opozita aktualisht është duke mbledhur fakte dhe prova të manipulimeve dhe menjëherë pas kësaj do të nisë një fazë të re veprimi politik dhe qytetar, atë të protestave.

Deklarata e Berishës

Pa asnjë mëdyshje, do nisin të gjitha format e domosdoshme të protestave në Shqipëri dhe në botë.
Por, kjo është faza e dokumentimit, e verifikimit të të gjithë farsës elektorale që ka ndodhur me votën e shqiptarëve në Shqipëri dhe diasporë.

Dhe kjo vazhdon sepse siç e shihni, dy rrethe do i paraqesim këtu, janë kontrolluar në Shqipëri për ligjshmërinë e procesit dhe në tërësi konstatohen manipulime, përçudnira, fakte që tejkalojnë edhe imagjinatat njerëzore.
Pra ne po bëjmë këtë verifikim.

Nuk është i thjeshtë sepse është edhe i komplikuar, por edhe kohëkonsumues.
Kontrolli i videove është më hektik se kontrolli i fletëve të votimit.
Pra ky është një proces të cilit ne do i shkojmë deri në fund për të faktuar se si Edi Rama instaloi farsën elektorale në Shqipëri dhe se ai nuk ka fituar kurrë zgjedhjet.

Ata që besojnë se Edi Rama ka fituar zgjedhjet në këtë farsë, ata ose janë njerëz që nuk kanë minimumin e kulturës ligjore elektorale dhe nuk e dinë se çfarë është farsë, ose janë njerëz në shërbim të tij.
Natyrisht ka një propagandë të papërmbajtur për të spostuar vëmendjen nga kjo punë e jashtëzakonshme që po bëhet nga ne për dokumentimin e farsës.

Ka argumente nga më banalet që as njerëz me IQ stërminimale nuk do ia lejonin vetes t’i përdornin.
Mirëpo paraja, pagesat, interesat kriminale, i bëjnë që ata të nxjerrin çdo lloj pseudoargumenti, pseudobanaliteti se në qoftë se ti flet për zgjedhje, kur sheh se çfarë është bërë me votën e mbi 300 mijë shqiptarëve, që janë një seksion i këtyre zgjedhjeve, kur konstaton se sa gjerësisht është përdorur Treni Bullgar, po marr vetëm këtë.

Unë po i lë të gjitha, sepse kultura elektorale ligjore çdo njeriu që ka ABC-në e saj, e detyron të mos pranojë për zgjedhje po farsë të gjithë ato procese ne të cilat qeveria jep gjysmë miliard euro prokurime në kundërshtim me ligjin.

Në të cilat qeveria jep 100 euro shpërblim për 48 përqind të votuesve në mes të fushatës elektorale.
Në të cilat qeveria përdor dhjetëra mijëra punonjës si operatorë politikë elektoralë.
Në të cilat qeveria përdor të gjithë potencialin e saj logjistik në zgjedhje.
Në të cilat qeveria fal 200 milionë euro dy ditë para zgjedhjeve.
Në të cilat qeveria dekreton mbjelljen e një sipërfaqe 140 herë më shumë se e lejon ligji me kanabis vetëm për zgjedhjet.
Pra, këto për ata që kanë minimumin e kulturës ligjore elektorale janë të mjaftueshme për të kuptuar që kjo është një farsë elektorale.
Por e kam thënë dhe e them, vota vdiq pa hyrë në kuti, e megjithatë në ditën e zgjedhjeve, me procedurën e zgjedhjeve, qeveria ka shtrirë duart e veta të zeza për ta bërë këtë farsë më thellë dhe më të shëmtuar që ka ndodhur ndonjëherë.