Flash News

Bëri një gjilpërë tek ambulance e lagjes, humb jetën e moshuara në Lushnjë

Pas Tiranës, KAS vendos edhe hapjen e kutive të votimit në Dibër

Saga e vrasjeve, Alibej: Nisi pasi dhashë vendndodhjen e Talo Çelës

Ndeshja Shqipëri-Serbi/ Tirana në “blindim total”: 2000 efektivë policie, kontrolle antidronë dhe kufizime të trafikut

Etel Haxhiaj sfidon policinë amerikane gjatë arrestimit të një emigranti, akuzohet për sulm

Ditari i Opozitës

Zgjedhjet e 11 majit/ Balliu: Parlamenti Europian dënoi farsën elektorale

Politiko 4 Qershor 2025, 18:05

Zgjedhjet e 11 majit/ Balliu: Parlamenti Europian dënoi farsën

Deputeti i Partisë Demokratike Klevis Balliu ka deklaruar se Parlamenti Europian ka dënuar zgjedhjet e 11 majit duke i cilësuar si farsë elektorale.

Sipas tij ky konstatim përforcohet edhe nga raporti i OSBE, dhe se zgjedhjet e fundit nuk i përmbushin standartet minimale për të konsideruar Shqipërinë të përgatitur për integrimin në familjen europiane.

Ai i bëri thirrje faktorëve ndërkombëtarë për një ndërhyrje institucionale në mënyrë që të rikthehet besimi i qytetarëve në procesin zgjedhor.

Postimi i Klevis Balliut:

Parlamenti Europian ka dënuar me vendosmëri farsën elektorale të orkestruar nga Edi Rama, duke ekspozuar me qartësi manipulimin e vullnetit qytetar përmes grabitjes së votës dhe lidhjeve të dokumentuara mes qeverisë dhe elementëve të krimit të organizuar.

Michael Gahler, Kryetar i Komisionit për Punët e Jashtme në Parlamentin Europian dhe drejtues i delegacionit të eurodeputetëve që ndoqën me vëmendje procesin e 11 majit, deklaroi se krimi i organizuar në Shqipëri ka kapur procesin zgjedhor dhe po pengon çdo shans për një rotacion të lirë dhe demokratik të pushtetit.

Ky konstatim i rëndësishëm përforcohet edhe nga raporti i misionit të OSBE-së, i cili thekson se zgjedhjet e fundit nuk i përmbushin standardet minimale për të konsideruar Shqipërinë të përgatitur për integrimin në familjen europiane.

Në harmoni me këtë qëndrim, IDU-CDI ka denoncuar blerjen masive të votës, përdorimin e paligjshëm të aseteve shtetërore gjatë fushatës zgjedhore, si dhe ushtrimin e presionit sistematik mbi qytetarët, si një strategji të orkestruar nga qeveria për të deformuar rezultatin përfundimtar.

Gjithashtu, Partia Popullore Europiane (PPE) ka theksuar rëndësinë e ngritjes së një grupi të specializuar për mbledhjen dhe analizimin e fakteve dhe provave lidhur me këtë farsë elektorale.

Në këtë kontekst, përpjekjet për të legjitimuar këtë proces si “zgjedhje” përbëjnë jo vetëm një fyerje të thellë ndaj qytetarëve, por edhe një sfidë të rëndë ndaj parimeve themelore të demokracisë.

Ne bëjmë thirrje për një reagim të menjëhershëm nga faktori ndërkombëtar dhe për ndërhyrje institucionale të fuqishme që do të sigurojnë rikthimin e besimit të qytetarëve në procesin zgjedhor dhe në funksionimin e shtetit të së drejtës.