Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Zgjedhjet në PD, Basha: Dorëzimi përballë atyre që e konsiderojnë 25 prillin fitore të Ramës mund të sjellë përçarje

Politiko 31 Maj 2021, 14:36
Zgjedhjet në PD, Basha: Dorëzimi përballë atyre që e
Kryedemokrati Lulzim Basha

Kryetari i PD, Lulzim Basha ishte në Lezhë ku zhvilloi një takim me strukturat. Basha foli për zgjedhjet në PD, duke theksuar se gara ka një disavantash.

Ky sipas Bashës, është fakti që kundërshtarët e tij në garë, nuk e konsiderojnë 25 prillin masakër zgjedhore.

Kjo sipas kryedemokratit, mund të çojë në përçarje. Ai iu ka premtuar demokratëve të Lezhës që do ta ndalojë këtë gjë, duke iu kërkuar që të fokusohen te beteja kundër kryeministrit Edi Rama.

Sipas Bashës, PD pas zgjedhjeve të 13 qershorit duhet të dalë më e fortë dhe më e bashkuar.

"Megjithatë e kam thënë dhe dua ta përsëris që nxitimi dhe paqartësia që sundojnë në zemrat e ndokujt, nuk mund të kthehet as në arsye, as në justifikim për t’i rënë me shkelm asaj që ju keni ndërtuar, asaj që ne kemi ndërtuar së bashku në këto vite.

Sikundër dua ta bëjë të qartë që gara e ka po kështu edhe një disavantazh. Dhe ky disavantazh është fakti që dorëzimi përball atyre që e konsiderojnë 25 prillin fitore të Ramës dhe jo masakër zgjedhore, mund të çoj në lidhjen e një përçarje në radhët tona.

Ndaj, në mënyrë të përsëritur kam bërë gjithçka dhe do të bëj gjithçka në dorën time për ta ndaluar këtë dhe ju kërkoj ju dhe të gjithë atyre që vendosin
Partinë Demokratike mbi veten e tyre dhe Shqipërinë mbi gjithçka, që mos t’ia lejojmë kundërshtarit këtë luks.

Le ta bëjmë garën, le ta bëjmë debatin. Le t’i themi ato që janë për t’u thënë sy më sy pa asnjë ndrojë, por në fund të çdo takimi të këtij dhe çdo takimi
tjetër që mund të keni, le mos të harrojmë se pas 13 qershorit duhet të dalim më të fortë e më të bashkuar e mos të harrojmë që çdo sekondë beteja jonë e vetme është beteja me Edi Ramën, kundër tij, kundër regjimit të tij, armik të Shqipërisë”, tha Basha.

Të fundit