Zhbëhet PD në Korçë/ Japin dorëheqjen 13 anëtarë kryesie dhe Sekretari i degës: Basha po e kthen në një parti klienteliste

Sekretari i PD-së në degën e Korçës, Devis Osman si dhe 13 anëtarë kryesie të PD-së të kësaj dege kanë paraqitur dorëhejen e tyre nga funksionet që mbajnë.

Ata i janë drejtuar me një letër publike Partisë Demokratike ku i bëjnë me dije dorëheqjen dhe motivacionin e dorëheqjes së tyre.

Sipas tyre, kreu i PD-së, Lulzim Basha me arrogancën e tij po e kthen PD në një parti klienteliste dhe në funksion vetëm të interesave personale. Ata shtojnë më tej se Basha me veprimet dhe mosveprimet e tij ka hedhur poshtë të gjithë punë e tyre të ngritur me mund dhe sakrifica gjatë 8 viteve opozitë.

“Gjykojmë se kryetari i PD me arrogancën e tij po e kthen PD në një parti klienteliste dhe në funksion vetëm të interesave personale. Me veprimet apo mosveprimet e tij, kja hedhur poshtë të gjithë punën tonë të ngritur me mund dhe sakrifica gjatë 8 viteve opozitë. Gjithashtu me këtë mënyrë drejtimi, mendojmë se PD po mbahet qëllimisht e frenuar prej tij, për të luftuar keq-qeverisjen e Edi Ramës.

Të ndodhur në këto kushte, e gjejmë të pamundur ushtrimin e funksioneve tona dhe të shohim me optimizëm drejt të ardhmes së kësaj partie. Theksojmë se jemi dhe mbetemi anëtarë të PD dhe mbështetës të ideve dhe vlerave që ajo mbart që nga dita e krijimit të saj”, thuhet në letrën e tyre.

Dorëheqjen ka dhënë dhe kryetari i PD-së në Korçë, Andrea Mano, i cili është dorëhequr njëkohësisht dhe nhga posti i anëtarit në Këshillin Kombëtar të PD-së dhe në zgjedhjet e 25 prillit kandidonte për deputet, por nuk arriti të fitonte mandatin.

Kujtojmë se ditën e Kuvendit Kombëtar, më 17 Korrik, dha dorëheqjen dhe kryetarja e FRPD-së në Korçë, Soela Myrtollari.

Në deklaratën e tyre, kryesia e PD-së bën me dije se do të vazhdojnë të jenë anëtarë të Partisë Demokratike, por sipas tyre, demokratët e Korçës sot ndihen të papërfaqësuar.

Deklarata e plotë:

"Te nderuar qytetare të Korçës, të dashur demokrate të Korçës.  Sot është një dite jo e lehte për ne, anëtaret e kryesisë se PD dega Korçë . Ne kushtet kur nuk ka asnjë shenje vullneti për të pare ne sy humbjen dhe për të reflektuar mbi shkaqet e vërteta të saj
- të revoltuar nga arroganca, shpërfillja, nepotizmi dhe papërgjegjshmëria e lidershipit të PD
- të vendosur të qëndrojmë pranë demokrateve të thjeshte ne qytetin dhe fshatrat e Korçës, me të cilët kemi ndare sfida elektorale e kemi përballuar dite të vështira ne opozite
- të bindur se sot Korça dhe Shqipëria  kane me shume se kurrë nevoje për kontributin e të gjithëve duke vendosur interesin e qytetarit mbi interesin klientelist të kryetarit
- Ne sot po largohemi nga të gjitha funksionet drejtuese të PD ne Korçë .
Unë kam dhçnë dorëheqjen si kryetar i PD dega Korçë dhe sot po jap dorëheqjen si anëtar i Këshillit Kombëtar të PD. 14 anëtarë  të kryesisë, qëëjanë këtu me mua sot, midis tyre edhe Sekretari i degës se Korçës , Devis Osmani qe ka punuar pranë meje për 8 vite , largohen me dorëheqje të parevokueshme  nga ky funksion.

Te dashur qytetare të Korçës , të nderuar demokrate :- Ne qe jemi sot këtu ne këtë sallë dhe shume demokrate të tjerë jashtë kësaj salle të cilët kanë punuar ne kushte të vështira  për  PD , sot ndjehen të papërfaqësuar.
- Importet e L. Bashës nuk përfaqësojnë vlerat dhe moralin  e qytetarisë të banoreve të Korces, ne qytet dhe ne fshat .
- Ne nuk duam të jemi dëshmitare të zerimit të kontributeve të demokrateve të thjeshte dhe denojme ashpër futjen e frymës se përçarjes .
- Ne i lexojmë me seriozitet , përulësi dhe jo me arrogance mesazhet që vijnë nga rezultati i zgjedhjeve .
Ata qe drejtuan fushatën elektorale duhet ti vene emrin e tyre humbjes . Ata janë arsyeja e parë dhe e fundit e humbjes se PD ne qarkun e Korçes.
Vlerat e demokracisë tek të cilat unë dhe shumë studente të dhjetorit ‘90 besuam, nuk do të merren dot neper këmbë nga lidershipi i PD.
Ne do të vazhdojmë  të jemi anëtarë të PD , do të vazhdojmë të besojmë dhe të punojmë për demokracinë, për të sotmen dhe për të nesërmen e Korçës", thuhet në deklaratën.