Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

Ditari i Opozitës

Zhupa: Fushata do të jetë e ashpër, nuk i falim kriminelët elektoralë

Politiko 29 Janar 2025, 10:03

Zhupa: Fushata do të jetë e ashpër, nuk i falim kriminelët

Deputetja demokrate Ina Zhupa ka dhënë detaje nga organizimi i protestës që njoftoi kryedemokrati Sali Berisha, më 8 shkurt.

Në një lidhje direkte për Ora News, Zhupa u shpreh se kjo protestë është një arsye që shqiptarët të tregojnë se nuk mund të nëpërkëmben nga pushteti.

Ndër të tjera, Zhupa foli edhe për fushatën zgjedhore, duke thënë se do të jetë një fushatë e ashpër që nuk do t’i falë kriminelët elektoralë.

“Pra, ne mund të jemi shumë dimensional në aksionin tonë politik, që nga organizimi i fushatës, denoncimet ndaj qeverisë, procesin e votimit të diasporës, si dhe pasqyrimin e programit tonë qeverisës si alternativë qeverisëse pas zgjedhjeve të 11 majit.

Protesta është një arsye që shqiptarët të tregojnë se nuk mund të nëpërkëmben dhe që Partia Demokratike i udhëheq ata drejt ndryshimit.

Dhe sigurisht që ne do të jemi të shumtë, protesta do të jetë madhështore dhe PD-ja i ka të gjitha kapacitetet që t’i ndihmojë qytetarët që të shprehin revoltën e tyre.

Ne e kemi të qartë se në asnjë moment nuk do të ndalemi së denoncuari aferat qoftë në zona lokale, qoftë aferat e Edi Ramës.

Nesër ne fillojmë realisht sesionin parlamentar dhe atje ka shumë për të bërë betejë, se atje janë ligjet e bëra me porosi, ligje që nuk bëhen për interesat e qytetarët, por për t’i shërbyer një grupi të caktuar oligarkësh të cilët hedhin lekë në fushatën e PS-së, dhe më pas marrin tendera publikë.

Kjo siç u dëshmua edhe në intervistën e fundit të ish-zëvendëskryeministrit të qeverisë “Rama” dhe të gjitha këto në kurriz të qytetarëve shqiptarë. Sigurisht që do të jetë një fushatë e ashpër pasi ne nuk kemi ndërmend as të falim dhe as të mos i nxjerrim para përgjegjësisë të gjithë ata që ne i cilësojmë si kriminelët elektoralë”, deklaroi Zhupa.

Të fundit