Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Zhupa: Drejtuesit socialistë të komisioneve hetimore ndryshojnë kodet sipas orekseve të kryeministrit!

Politiko 16 Qershor 2025, 14:28
Zhupa: Drejtuesit socialistë të komisioneve hetimore ndryshojnë
Ina Zhupa

Deputetja demokrate Ina Zhupa, ka dënuar ashpër mungesën e rezultateve nga dy komisionet e posaçme të ngritura dhe drejtuara nga deputetët Xhafa dhe Braçe.

Gjatë fjalës së saj nga foltorja e Kuvendit Zhupa u shpreh se këto komisione, të ngritura në mënyrë të njëanshme nga mazhoranca, po mbyllin punën e tyre pa asnjë produkt konkret dhe pa sqaruar se cilat kanë qenë qëllimet apo përfitimet reale për qytetarët shqiptarë.

Ajo akuzoi mazhorancën se po pret legjislaturën e ardhshme për të miratuar ndryshime të rëndësishme në Kodet ligjore, në përputhje me interesat politike të kryeministrit. Ajo bëri thirrje që të miratohet sa më parë minimumi jetik dhe të merren masa reale për përmirësimin e kushteve të jetesës së shqiptarëve, përpara se të mbyllet kjo legjislaturë.

Zhupa: Ky Kuvend ka ngritur dy komisione të posaçme, të cilat u ngritën e drejtohen nga zoti Xhafa e Braçe, dhe në dijeni time mbyllet ky Kuvend pa pasur asnjë lloj produkti dhe pa kuptuar se kush ishin arritjet e këtyre komisioneve apo qëllimet, ose se çfarë fitoi Shqipëria nga këto dy komisione të ngritura në mënyrë të njëanshme nga mazhoranca.

Apo, po prisni legjislaturën tjetër në mënyrë që të keni më shumë vota e të keni mundësinë të ndryshoni edhe kodet në varësi të orekseve të kryeministrit e mazhorancës.

Në lidhje me projektligjet, të paktën ato që thatë në fushatë e thatë sikur do i bënit ju, por e morët ju programin e PD dhe e citoi Edi Rama. Le të kalojmë minimumin jetik, le të kalojmë mundësinë që shqiptarët të jetojnë me dinjitet, para se të mbyllni këtë parlament nëse keni vullnetin të mbani të paktën një % të vogël nga ato mashtrime që keni thënë gjatë fushatës.

Të fundit