Zhupa: Socialistët po shkelin ligjin në Komisionin Hetimor të Koncesioneve në Shëndetësi

Deputetja demokrate Ina Zhupa është shprehur se socialistët po shkelin ligjin në Komisionin Hetimor të Koncesioneve në Shëndetësi.

Zhupa më anë të një video, tregon se dje socialistët  kanë zhvilluar mbledhje pa pasur asnjë dëshmitar të konfirmuar, vetëm e vetëm për të pasur mundësinë për të drejtuar, hynin dhe dilnin duke thënë s'ka ardhur njeri.

“Plarent Ndreca dhe socialistët kanë zhvilluar dëshminë në kundërshtim me referimin që përcakton ligji  që është Neni 153, pika 3 i Kodit Procedurës Penale ku përcaktohen kufijtë e dëshmisë”, shkruan ndër të tjerash Zhupa.

“Socialistët po shkelin ligjin në Komisionin Hetimor të Koncesioneve në Shëndetësi, teksa pyesin si dëshmitarë njerëz që qartësisht nuk kanë lidhje me koncesionin, por japin opinione personale mbi të.

Në dëshirën për të uzurpuar drejtimin e komisionit dhe për tu mbledhur edhe kur ska objekt për mbledhje, socialistët po shkelin ligjin.

Dje kanë zhvilluar mbledhje pa pasur asnjë dëshmitar të konfirmuar, vetëm e vetëm për të pasur mundësinë për të drejtuar, hynin dhe dilnin duke thënë s'ka ardhur njeri.

Ndërsa sot kanë konsumuar shkeljen e ligjit mbi të cilin zhvillojme pyetjet e dëshmitarëve si komision, pikërisht kodi e procedures penale.

Dëshmitari Erold Çomo nuk kishte asnjë cilësi me të cilat ishte thirrur, edhe asnjë lidhje me koncesionin. Teksa nuk i gjen dot asnjë cilësim për të qënë dëshmitar, në fund Ndreca i shprehet në formë krejtësisht jashtë proceduriale: e mirë trego cfarë di ndonjë gjë…

Në këtë mënyre Plarent Ndreca dhe socialistët kanë zhvilluar dëshminë në kundërshtim me referimin që përcakton ligji  qe eshte Neni 153, pika 3 i Kodit Procedurës Penale ku percaktohen kufinjtë e dëshmisë.

Video e dëshmon qartësisht. Janë duke u përpjekur të prishin hetimin dhe të krijojnë përshtypjen që opozita është tërhequr. Nuk tërhiqemi, përballë do na kenë, duke ja plasur të vërtetat në sy dhe duke u përballur pa asnjë hezitim.”