Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Zv.kryetari i Partisë së Lirisë: "Ballkani i Hapur" Rama-Vuçiç, inisiativë e vjetër serbe për dominim dhe ndarje

Politiko 2 Gusht 2022, 08:53

Zv.kryetari i Partisë së Lirisë: "Ballkani i Hapur"

Tensionet që u krijuan në Kosovë sipas kryeministrit Edi Rama mund të shmangen duke u përfshirë në “Ballkanin e Hapur”. Por kjo kundërshtohet nga diplomati dhe zv.kryetari i Partisë së Lirisë, Agim Nesho.

Ky i fundit thotë se “Ballkani i Hapur” është një inisiativë e vjetër serbe për dominim në Ballkan, duke sjellë ndarje dhe jo integrim.

Sipas Neshos, qëndrimi i Ramës përballe tensioneve në Kosovë ngjasonte ‘si struci që fshihet për të mos lënduar mikun e tij Vuçiç’. Ai shton se nuk është vetëm qëndrimi i tij mohues ndaj Kosovës, por edhe se sot po vihet në dyshim e ardhmja europiane e Shqipërisë.

Reagimi i plotë:

Tensionet e krijuara nga nacionalistët e rinj të Beogradit ditët e fundit tregojnë qartë sesa larg qëndron Serbia në gjetjen e zgjidhjeve të qëndrueshme dhe europianiste që sigurojnë paqe dhe stabilitet në rajon.

Në këtë klimë tensioni dhe nxitje për konflikt, në një skenar që Rusia shikon me interes për të shtrirë influencat e saj dhe konfliktin në Ballkan, zoti Rama përpiqet më kot të gjejë zgjidhje kompromisi tek Ballkani i Hapur.

Ballkani i Hapur, një inisiativë e vjetër serbe për dominim e saj ballkanik, një inisiativë që sjell ndarje dhe jo integrim, një inisiativë e imponuar popujve të Ballkanit nga interesat e ngushta për pushtet të liderëve të kapur, që zgjidhjen e gjejnë jo në vlerat dhe parimet europiane por në kompromiset me nacionalistët dhe lëshimet pa princip.

Partia e Lirisë është për Ballkanin e Lirë të Vlerave Europiane dhe jo Ballkanin e Hapur për influencat Ruse dhe Kineze. Një Ballkan të Lirë për të bërë zgjidhjen e tij për integrimin Europian, një Ballkan të lirë nga frika e rikthimit të nacionalizmave dhe rindarjes së tij në linja të pastra etnike.

Sot pamë një kryeministër Shqiptar të mbajtur peng nga protagonizmi i tij i gabuar, ‘që fshihet si struci për të mos lënduar mikun e tij Vucic’. Nuk është vetëm qëndrimi i tij mohues ndaj rolit dhe cështjes së Kosovës, por sot vihet në dyshim e ardhmja jonë europiane e një rajoni që është dhe i takon vlerave perëndimore.

Të fundit