Flash News

Washington Post: Skandali i fundit duhet të sjellë edhe ndëshkimin final për drejtorin e FBI

Makina përplas për vdekje këmbësorin në Cerrik

Plagosje me thikë në qendër të Shkodrës, detajet e para

Kush janë tre durrsakët që drejtonin grupin kriminal të drogës Itali-Shqipëri

Kapen në një kamion 122 kg drogë nga Shqipëria në Turqi, arrestohet shoferi shqiptar

Ditari i Opozitës

Zyrtari socialist doli trafikant kokaine, PD: Shëmbëlltyrë e pushtetit të Edi Ramës

Politiko 25 Nëntor 2022, 15:28

Zyrtari socialist doli trafikant kokaine, PD: Shëmbëlltyrë e

PD ka reaguar pas zbulimit të laboratorit të drogës në Fier, ku ra në pranga edhe ish-kryekomunari i PS-së Viktor Çervenaku. Shefi organizativ, Klevis Balliu tha për mediat se Çervenaku është shëmbëlltyrë e pushtetit të Edi Ramës.

Sipas Balliut, ai nuk do të kapej asnjëherë, nëse nuk do të vepronte DEA amerikane. Më tej shtoi se Rama nxit vetëm me korrupsion dhe trafik drogë.

Duke nënvizuar që ky nuk është rasti i parë që socialistët kapen me drogë, Balliu deklaroi se kjo vërteton implikimin direkt te politikes ne narkotrafik.

"Një sharës publik, patronazhist me licensë, adhurues/shërbëtor i Edi Ramës dhe nëpunës në bashkinë e Erion Veliajt, ka rënë dje në rrjetën e DEA-s amerikane, si pjesë e një grupi narko-trafiku.   Viktor Çervanaku, që u kap si mi nga amerikanët, nuk është thjesht një zyrtar socialist i korruptuar, ai është shëmbëlltyra ideale e pushtetit të Edi Ramës.

Medias do t’i dërgojmë një status në facebook të narko-trafikantit në fjalë, që tregon jo vetëm nivelin e tij, por fytyrën e këtij shteti dhe patericat ku ai mbështetet për të ndenjur në pushtet. Partia Demokratike dënon lidhjet mes trafikantëve, keqbërësve, sharlatanëve të tillë, që shkojnë deri lart në majat e pushtetit. Vini re: Çervanaku ka qenë kryetar komune i pushtetit vendor të Edi Ramës dhe nëpunës në bashkinë e Erion Veliajt.

Ai ka qenë dhe mbetet zorra qorre e një pushteti piramidal i cili frymëzon vetëm korrupsionin dhe të ligën. Vini re gjithashtu: ai nuk do të kapej asnjëherë, dhe do të vazhdonte trafikun e kokainës, patronazhimin, lavazhin oral të shefave të tij në Tiranë, dhe linçimin e opozitës me gjuhë vulgare, po të mos ishte DEA Amerikane.

Për policinë dhe organet ligjzbatuese shqiptare, beu i Frakullës dhe lapërdhari i bashkisë së Tiranës do të vazhdonte i qetë trafikun, si mënyrën kryesore të këtij pushteti për të vjedhur zgjedhjet dhe varfëruar shqiptarët.

Raportimet dëshmojnë se droga trasportohej me kamionet e ushtrisë drejt Malit te Zi, çka vërteton implikimin direkt te politikes ne narkotrafik. Ky nuk është rasti i parë që punonjës të institucioneve të shtetit të Ramës kapen në trafikun e drogës", deklaroi ndër të tjera Balliu.

 

Të fundit