Flash News

Foto/ Sherr në një qendër numërimi në Kukës, policia tenton të ndalojë të riu

PD kryeson në Njësinë 2 në Tiranë

Numërohen 5 kuti në qarkun e Gjirokastrës, ja si ndahen votat

Hapen 6 kutitë e para për numërim në Kukës

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

DITARI POLITIK

Ambasadori i BE-së, Silvio Gonzato: Zgjedhjet, kyçe për rrugëtimin e Shqipërisë drejt Bashkimit Evropian

Politiko 11 Maj 2025, 11:30

Ambasadori i BE-së, Silvio Gonzato: Zgjedhjet, kyçe për

Ambasadori i Bashkimit Evropian në Shqipëri, Silvio Gonzato, ka ndjekur nga afër procesin zgjedhor të së dielës duke vizituar një nga qendrat e votimit të vendosura në ambientet e Akademisë së Arteve në Tiranë.

Në një prononcim për Euronews Albania, Gonzato theksoi rëndësinë që kanë këto zgjedhje për të ardhmen evropiane të vendit. Ai kujtoi se ky është procesi i parë zgjedhor pas hapjes së negociatave me BE-në dhe nisjes së grup-kapitullit të parë, të njohur si “kapitulli themelor”, që lidhet me sundimin e ligjit dhe standardet demokratike.

“Këto janë zgjedhjet e para që organizohen pas hapjes së negociatave me Bashkimin Evropian dhe nisjes së grup-kapitullit të parë, që ne e quajmë ‘kapitulli themelor’, ai që lidhet me sundimin e ligjit dhe standardet demokratike. Zhvillimi i zgjedhjeve në mënyrë të drejtë, të lirë dhe transparente është i lidhur drejtpërdrejt me përparimin e Shqipërisë në këtë proces,” deklaroi Gonzato.

Ambasadori nënvizoi se ai dhe përfaqësues të tjerë diplomatikë të vendeve anëtare të BE-së janë në terren për të ndjekur nga afër mbarëvajtjen e zgjedhjeve. Ai theksoi se monitorimi nuk kufizohet vetëm në ditën e votimit, por shtrihet në të gjithë ciklin zgjedhor.

“Procesi zgjedhor nuk është vetëm dita e votimit. Është i gjithë cikli, që nga përgatitjet, fushata, mënyra se si administrohet dita e zgjedhjeve, dhe më pas menaxhimi i rezultateve. Për të gjitha këto ne mbështetemi edhe te raporti përfundimtar i misionit të ODIHR,” u shpreh Gonzato.

Të fundit