Flash News

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

DITARI POLITIK

Balla takon Dodën dhe Mediun/ Raundi i parë mund të kryhet pa kandidatë, çfarë parashikohet për Presidentin e ri

Politiko 13 Maj 2022, 10:20

Balla takon Dodën dhe Mediun/ Raundi i parë mund të kryhet pa

Kreu i grupit parlamentar socialist, Taulant Balla ka pritur në takim mëngjesine  sotëm kryetaren e grupit parlamentar “Drejtësi dhe Integrim”, Mesila Dodën dhe atë të grupit parlamentar “Aleanca për Ndryshim”, Fatmir Mediun.

Asnjëra prej palëve nuk ka bërë publike kandidaturat. Kujtojmë se raundi i parë për zgjedhjen e presidentit të ri, duhet të zhvillohet më datë 16 maj në orën 17:00.

Data 10 maj, kur u mblodh Konferenca e Kryetarëve, është caktuar si dita e fillimit të procedurave. Në atë mbledhje nuk munguan akuzat nga përfaqësues të opozitës se socialistët e kanë zgjedhur Presidentin e rid he se procedura është farsë.

Ndërsa deputetja e Partisë Demokratike, Grida Duma, i kërkoi mazhorancës që t’i jepet opozitës propozimi i parë për emrin e presidentit. Ajo tha se opozita nuk do të bëhet fasadë e mazhorancës për zgjedhjen e presidentit.

Komisioni i Rithemelimit ka refuzuar negociatat me socialistët, ndërsa ka akuzuar Enkelejd Alibeajn se është i shitur te Rama.

Nga të gjithë emrat e propozuar nga deputetët e Partisë Socialiste për Presidentin e ri, vetëm 67 prej tyre janë seleksionuar nga grupi negociator për t’u diskutuar më tej mes vetë maxhorancës, grupeve të tjera parlamentar dhe shoqërisë civile.

Kryeministri Edi Rama nuk e ka përjashtuar mundësinë që ata të dalin në raundet e para me më shumë se 1 kandidaturë. Por Kushtetuta e Shqipërisë parashikon që raundi konsiderohet i bërë edhe nëse nuk paraqitet asnjë kandidat.

Pra, deri më datë 16 maj mund të mos ketë kandidat të propozuar nga asnjëra nga palët dhe raundi do të quhet i ezauruar, për të vijuar pastaj me përcaktimin e datës së raundit të dytë.

Kandidatura duhet të zyrtarizohet brenda datës 24 maj, pasi ligji parashikon se procesi i zgjedhjes së Presidentit të Republikës në Kuvend nis jo më vonë se 60 ditë para mbarimit të mandatit të Presidentit aktual. Në këtë rast, Ilir Metës i përfundon mandate më 24 korrik.

 

Të fundit