Flash News

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Alarmi i zjarreve në vend, 6 vatra ende aktive, si paraqitet situata deri tani

I dënuar në Zvicër për trafik droge, arrestohet në Qafë Thanë maqedonasi (EMRI)

Temperaturat deri në 40 gradë! Parashikimi i motit për ditën e sotme

DITARI POLITIK

“Doli me urdhër nga Holanda”, Kryemadhi i përgjigjet Veliajt: Mjaftisti të tregojë ku janë 128 mln euro

Politiko 5 Korrik 2022, 15:54

“Doli me urdhër nga Holanda”, Kryemadhi i përgjigjet

Kryetarja e LSI-së, Monika Kryemadhi, i është përgjigjur deklaratës së kryebashkiakut Erion Veliaj i cili tha se denoncimi dhe akuzat që Kryemadhi ka hedhur për inceneratorët, janë ndërtuar nga ajo dhe Meta.

Në një deklaratë për mediat, Kryemadhi tha se Veliaj foli me urdhër nga Holanda (kryeministri Rama). Kryemadhi tha se Veliaj duhet të sqarojë se ku kanë shkuar 128 milionë euro.

“Në kuadrin e përdorimit të uzurpimit dhe mashtrimit në mënyrë sistematike nga sekti i rilindjes që ka kapur ekonominë shqiptare dhe jetën e qytetarëve jam e detyruar të sqaroj mjaftistin e fundit z. Veliaj meqenëse kishte problem shumë të madh çështjen e rindërtimit, çështjen e pastrimit të Tiranës, kishte çështjen e shkollave të Tiranës. Po i them të sqarojë firmën e tij këtu, me firmë dhe vulë në emër të këshillit bashkiak të Tiranës që ka marrë një angazhim 30-vjeçar. Ky orator i madh i cili me urdhër nga Holanda doli sot për të folur angazhimi 30-vjeçar i bashkisë së Tiranës. Të përgjigjet për firmën e tij që ka ndryshuar fatin e një koncesioni të paligjshëm dhe ka ngarkuar me një barrë 30-vjeçare jo vetëm qytetarët e Tiranës, por të gjithë Shqipërisë. Ku janë 128 mln euro të investimit të kompanive të inceneratorit të Tiranës, për të cilën dhe ata i kërkuan Erion Veliaj të dalë të shpjegojë. A janë këtu 128 mln euro investim. SPAK është në provë për të verifikuar a janë aty 128 mln euro investim të kompanisë of-shore në Holandë. I them oratorit mjaftist, që të përgjigjet dhe t’i kthejë shtëpitë banorëve të kombinatit. Të gjitha akuzat dhe paditë e mia janë në SPAK. Me deklarata, me gara të vërtetat, me firmën e Veliajt në 27 mars të 2017-ës, me vulën e protokollit të bashkisë së Tiranës. Kaq për sot. Shihemi përsëri!”, tha kryetarja e LSI.

Të fundit