Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

“Duhet të hetohesh, më ngjan si ruse”, e vërteta e deklaratës së Zhupës që nxehu Erion Braçen

Politiko 5 Dhjetor 2024, 11:06

“Duhet të hetohesh, më ngjan si ruse”, e vërteta e

Hetimi ndaj mediave që socialisti Erion Braçe kërkoi në cilësinë kryetarit të Komisionit të Dezinformimit, nxiti debate mes tij dhe deputetes demokrate Ina Zhupa.

Teksa e quajti ‘persekutim’ hetimin që Braçe kërkon për mediat, Zhupa tha se komisioni synon të ndjekë ato media që “nuk çojnë ujë tek qeveria”.

“Kam një kërkesë prej jush. Mbyllni komisionin e dezinformomini, këta duan të persekutojnë mediat, se nuk u çojnë ujë qeverisë”, u shpreh Zhupa.

Mirëpo, kjo e vërtetë në deklaratën e Zhupës nxehu kolegun e saj socialist i cili shpërtheu në fyerje e ofendimeve ndaj deputetes. Braçe iu drejtua Zhupës duke i thënë se duhet të mos lyhet me parfum e të presë thonjtë, madje ka shkuar edhe më tej, duke i thënë se demokratja duhet të hetohet për dezinformim duke e quajtur “ruse”.

“Si mund ta lë pa replike kur kjo e di median si rubinet. Media që nuk çojnë ujë te qeveria, unë di që uji mbahet në kanale, tub. Jo ne media. Mos u lyej me parfum, pri thonjtë. Kjo është e para, reflektuar… e dyta, në asnjë sekondë, moment të mbledhjes së djeshëm, nuk kam kërkuar të hetonte mediat, gazetarët. Kam thënë të mbahen përgjegjës autorët dhe kam kërkuar dhe do e bëj që autoritetet të hetojnë dezinformimin që ka një qëllim politik. Tije një nga ato që duhet të hetohesh për dezinformim. Që ti nuk di të lexosh, këtë e di. Nuk di të lexosh, por që nuk dëgjon, ky është problem tjetër. Deklaratat janë publike, mëri dëgjoji, po nuk dite të shkruash, ti zbardh unë. Mua ti më dukesh si ruse, por nuk je ruse”, tha Braçe.

Të fundit