“Çfarë ke bërë mor”, Elbasani ‘përplas’ Nokën me ministren e Arsimit

Deputeti demokrat Flamur Noka është përfshirë në debat me ministren e Arsimit Evis Kushi, lidhur me projektetet zhvillimore në qytetin e Elbasanit.

Të ftuar në “Top Story”, Noka ka ironizuar socialistët duke thënë se i mbyllën punët me punësimin, zhvillimin dhe rritjen e rrogave, dhe tani iu ka mbetur të sjellin në Elbasan Formulua1.

Ministrja kundërshtoi Nokën kur tha se “Formula 1 duhet parë si një mundësi për zhvillim sepse do të sjell turizëm, do sjell vizitorë”. Mirëpo, Noka iu drejtua Kushit duke i thënë se fjala “do të” nuk ka vend për të që është në pushtet, por pë rata që do të vijnë.

Demorkati i solli në vëmendje ministres plehrat që i gjen kudo në qytet, teksa theksoi se qytetarët jetojnë mes mjerimit.

Pjesë nga debati:

Noka: Unë kam parë qytetin. Nuk kam shkuar tek zona e 5 vilave, 10 vilave atje, po flas për qytetin.

Kushi: Që ne kemi ambicie më të mëdha kjo është e vërtetë.

Noka: Të ardhurat janë përtokë në atë qytet. Është një qytet që jeton mes mjerimit.

Kushi: A ishit për Ditën e Verës në Elbasan.

Noka: Isha…

Kushi: A e patë? A e patë çfarë zhvillimi.

Noka: Unë e kuptoj konceptin tuaj ministre. Ju kështu i konceptoni njerëzit, si skllevërit dikur… Bëjmë një festë, uuu të festojnë dhe të hanë. Bëjmë një ndeshje gladiatorësh, sepse ju e keni kënaq Elbasanin. Punësimi po, zhvillimi po, rritja e rrogave, pensioneve, ekonomia dhe standarti i lartë i jetesës dhe tani një formula 1 i duhet Elbasanit. Plehrat naaa sa një mal….

Kushi: Formula 1 duhet parë si një mundësi për zhvillim sepse do të sjell turizëm, do sjell vizitor. Do ndërtohen hotele, do ndërtohen resorante.

Noka: Ku do ndërtohen?! Pasi ke bërë 10 vjet pushtet ti më vjen edhe më thua mua do të?! “Do të…” them unë që do të vij në pushtet, por jo ti. Sepse ti ke 10 vjet këtu.

Kushi: Ju paragjykoni këtë projektin që sjell potencial.

Noka: Çfarë iu keni sjellë këto 10 vjetë qytetarëve. A u ke rrit rrogat mësuesve, jo. A u ke rrit pensionet, jo.

Kushi: Po patjetër që iu është rritur rroga mësuesve. Mësuesve do t’iu shkojë rroga mbi 1 milion lekë. Janë rritur gradualisht, i rritëm 32% mandatin e kaluar. 40% do të shkojnë tani. Çdo vit do t’i rrisim.

Noka: Jo jo, këto gradualisht dhe “do të” shko e thuaja se flini gjumë. Në realitet me “do të…” duhet të flas unë, sepse unë po kërkoj të vij në pushtet. Ti e ke 10 vjet aty, e ke mbaruar pushtetin… Çfarë ke bërë mor çfarë ke bërë?!