“Gjetëm dashuri për Shqipërinë si askund tjetër”/ Nikolla dhe Gjekmarkaj priten nga Papa Francesku

Kryetarja e Kuvendit, Lindita Nikolla dhe nënkryetari, Agron Gjekmarkaj u pritën në një takim nga Ati i Shenjtë, Papa Françesku. Ata u takuan edhe me Sekretarin e Shtetit të Vatikanit, Pietro Parolin.

Në një reagim në rrjetet sociale, Gjekmarkaj thotë se “Aty gjetem dashuri e vemendje të madhe per Shqiperinë si askund tjeter”.

Gjekmarkaj e përshkruan si emocionues takimin me Papa Françeskun, për mesazhet që i përcolli delegacionit shqiptar dhe miëkpritjen.

Nënkryetari i Kuvendit thotë se Sekretari i Vatikanit tregoi interes për të kuptuar dinamikat e jetës në Shqipëri, nga ato politike te shoqëroret.

 “Ndër shekuj edhe kur reja e zezë mbulonte vendin tonë,  brenda atyre mureve u konservua një pjesë themelore e identitetit tonë kombetar! Gjergj Kastriot-Skenderbeu  pas udhëtimeve të gjata përzhitur me pluhur betejash mbërrinte aty në ato 25-vite lavdie dhe aleancat e mëdha me Papët i bënte , e bashkë me bekimet e tyre apostolike merrte mbështetje për arbërore që luftonin për  vete dhe Europen!

Në ato ujdhesa  e imagjinoj me kalorsit e tij besnik tek kumte të rënda shpie. Aty në Biblioteken apostolike u ruajt amza jonë kombetare, "Meshari" i Gjon Buzukut kjo spirancë në Identitetin europian të Shqiptarve.Në ato kisha të qytetit etern, mësohej gjuha shqipe për meshtarët që niseshin për ilirik. Në tipografitë e urdhërave të ndryshëm shtypeshin librat bazik të kombit tonë ato Budit , Bogdanit , Bardhit , Kazazit e të t'jerë.

Në ato shkallare  ngjitej Fishta me Pal Dodajn per t'ju lutur Papa  Benediktit të XV , që Korça e Gjirokastra ti mbesnin Shqiperisë.

Tek kalon ato portikë mbushur me historinë e qyteterimit perendimor  përpiqesh të gjesh copat e tua dhe kur i ndesh emocionohesh e mbushesh me mirnjohje e cila nuk di ku të ndalet më parë, tek Papa Montini, tek Papa Gjon Pali që puthi dheun tonë , apo tek Papa Françesku që i foli gjithë botës për leksionin etik dhe frymëzues të bashkjetesës shqipëtare?!

"E dua Shqiperinë, lutem për të tha Ati i shënjtë! Një politikë per njerëzit,duhet gjithmonë të punoni për ta, një popull që punon fiton! Ati i shenjtë e kujton dhe promovon "vellazerinë mes komuniteteve fetare në Shqiperi"!”-shkruan Gjekmarkaj.