Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

DITARI POLITIK

Gjoni: PS ka manipuluar zgjedhjet përtej çdo parashikimi, Lezha e mbërthyer nga shit-blerja e votës

Politiko 14 Maj 2025, 19:08

Gjoni: PS ka manipuluar zgjedhjet përtej çdo parashikimi, Lezha e

Kandidati për deputet i Partisë Demokratike në qarkun e Lezhës, Gjin Gjoni, ka ngritur akuza të forta për manipulimin e zgjedhjeve të fundit, duke deklaruar se rezultati i arritur nga PS ka kaluar edhe pritshmëritë e vetë kryeministrit Edi Rama. Sipas tij, jo vetëm që objektivi prej 78 mandatesh është tejkaluar, por PS ka arritur në 83 mandate, çka sipas Gjonit është tregues i manipulimit sistematik

Në një deklaratë për Syri TV, Gjoni thekson se një nga fenomenet më shqetësuese ka qenë blerja e votës dhe intimidimi i zgjedhësve, veçanërisht në qarkun e Lezhës.

“Çështja e manipulimit të zgjedhjeve nga ana e Partisë Socialiste ka kaluar çdo lloj parashikimi. Sipas parashikimeve të Ramës, PS duhej të shkonte në 78 mandate, por siç duken edhe shifrat, kanë shkuar në 83. Në qarkun e Lezhës, nga informacionet që po vijnë dita-ditës, blerja e votës është një fenomen shumë i përhapur. Deputetë pa asnjë lidhje me zonën rezultojnë të kenë marrë vota në zona ku nuk kanë qenë kurrë. Kjo tregon se përmes bashkëpunimit mes pushtetit qendror, lokal dhe elementëve të inkriminuar, është arritur përmbysja e rezultatit me mekanizma si intimidimi, ofertat për vende pune apo blerja e votës”, deklaroi Gjoni.

Sipas tij, ky fenomen kërkon hetim të thelluar dhe ndërhyrje urgjente për të garantuar zgjedhje të ndershme në të ardhmen.

Të fundit