Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

DITARI POLITIK

Gledis Nano ‘shkon’ në Komisionin e Sigurisë, Çuçi tregon nëse ka përplasje me SHBA për shkarkimin e tij

Politiko 27 Tetor 2022, 11:38

All - Paragraf - 1

Gledis Nano ‘shkon’ në Komisionin e Sigurisë,

Mbledhja e Komisionit të Sigurisë u shoqërua sot me debate. Rikthimi i polemikave për shkarkimin e Gledis Nanos, ka sjellë ‘përplasje’ mes deputetëve të opozitës dhe maxhorancës, si edhe vetë ministrit të Brendshëm Bledi Çuçi.

All - Paragraf - 3

Ishte fillimisht deputeti demokrat Ferdinand Xhaferraj i cili ka kërkuar sqarime nga Çuçi për arsyet që çuan në shkarkimin e Nanos nga posti i Drejtorit të Përgjithshëm të Policisë së Shtetit, si dhe nëse ka apo jo një përplasje mes qeverisë dhe SHBA-ve për çështjen.

Ministri i Brendshëm u shpreh se kjo çështje nuk përbën interes publik dhe se nuk ka asnjë përplasje me SHBA-të, përpos vlerësimit që ata kanë shprehur për Nanon në kohë kur drejtonte Antiterrorin.

Pjesë nga debati:

Ferdinand Xhaferraj: Që nga 13 shtatori, ne kemi kërkuar, 1/3 e deputetëve kemi kërkuar prezencën në mënyrë urgjente të ministrit të Brendshëm lidhur me situatën e rendit dhe shkarkimin e Gledis Nanos. E kërkuam këtë seancë urgjente sepse po atë ditë, aleati ynë strategjik, SHBA, ambasadorja Yuri Kim, në një status qartësonte se Gledis Nano ishte partner i fortë i SHBA me shumë kontribute dhe i dekoruar me arritje. Situata është shumë shqetësuese. Nëse nuk ishin interesat e aleatit strategjik, kush ishin interesat që e shkarkuan drejtorin? Ne kemi detyrime që të dalim nga politika për ti shërbyer interesave kombëtare.

Xhemal Qefalia: Sot jemi për të diskutuar për buxhetin. Të vazhdojmë me rendin e ditës se i shërben dhe kohës në dispozicion.

Bledi Çuçi: Shkarkimi dhe emërimi i drejtorit të Përgjithshëm është administrative dhe çdo procedurë është bërë sipas ligjit përkatës. E dyta, lidhet me partneritetin tonë, me SHBA. Ju garantoj dhe jam i bindur që edhe ju e dini po kaq mirë se s’ka asnjë përplasje me partnerin tonë strategjik. Ata kanë bërë falënderim për ish drejtorin dhe i kushtohet pjesës kur ka qenë drejtor i Antiterrorit dhe ka pasur lidhje më të ngushtë në atë pozicion. Nuk ka asnjë përplasje, madje asnjë korrespondencë lidhur me këtë gjë, kështu që nuk ka asgjë okulte sepse çdo shkak duhet të ketë dhe pasojën nëse duhet të ketë një situatë okulte që mbështjell këto lëvizje. Është çështje pa rëndësi për opinionin publik. Kam ardhur për sulmin kibernetik. Po pres raportin e FBI dhe Microsoft dhe doja të vija me raport profesionistësh e të mos flisnim me çfarë kemi parë deri tani.

Salianji: Ne kërkuam për procedurë sepse nuk e përcakton as ministër dhe as ju se kush është interesi publik. Gjendja e kriminaliteti e shqetëson thellësisht publikun, ne nuk kemi thënë pse ikën një drejtues dhe vjen një drejtues tjetër. Tani si qenka konsensualiteti. Shqetësimin nuk na e përcaktoni dot ju dhe për këtë nuk duhet të vazhdonte debati. Kemi shqetësim për atë që kemi kërkuar me shkresë. Jemi këtu për të kërkuar llogari për çështje të tjera që ka qeveria dhe ministri të vijë dhe të flasë.

Ministri Çuçi: Sot fillojmë diskutimin për buxhetin e vitit 2023 për Ministrinë e Brendshme dhe dua të them se jemi në një situatë jo normale e shkaktuar nga lufta e Putinit në Ukrainë që ka sjellë destabilizim pa përjashtim të ekonomive europiane, me inflacion jo vetëm në Europë dhe për pasojë edhe Shqipëria nuk mund të mbetet e paprekur nga efektet e kësaj lufte. Një vëmendje në këtë buxhet edhe për sektorë që mbulon MB, ka qenë edhe kjo që lidhet me inflacionin e luftës.