Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Këlliçi: Pasojat e Veliajt do t’i vuajnë punonjësit e Bashkisë së Tiranës

Politiko 14 Janar 2025, 10:49

Këlliçi: Pasojat e Veliajt do t’i vuajnë punonjësit

Anëtari i Kryesisë së PD, Belind Këlliçi ka deklaruar se të gjithë punonjësit e Bashkisë së Tiranës do të vuajnë pasojat e veprimeve të Erion Veliajt.

I ftuar në “Kafe Shqeto” në Syri Tv, Këlliçi u shpreh se aktualisht po vidhen 80 mijë euro për një incenerator që nuk ekziston dhe vjedhja do të vijojë me të tjera akte nga Veliaj.

Anëtari i kryesisë së PD, Belind Këlliçi nga studioja e ‘Kafe Shqeto’ u shpreh se të gjithë punonjësit e Bashkisë Tiranë, do vuajnë pasojat e Erion Veliajt edhe të titullarëve të tjerë të lartë siç po vuajnë sot, tre drejtorë kyç të bashkisë Tiranë, që po bëjnë burg në vend të kryebashkiaut.

"Kam përshtypje se këtu të gjithë punonjësit e thjeshtë, përfshirë këtu edhe sanitare edhe roje objekti, ku mund të jenë njerëzit me pozicione më të thjeshta zyrtare, në bashkinë Tiranë, këta do vuajnë pasojat e Velisë edhe të titullarëve të tjerë të lartë.

Siç po vuajnë sot, tre drejtorë kyç të bashkisë Tiranë, që janë në burg dhe po bëjnë burgun që mos ta bëjë Veliaj, me porosi e urdhër të tij dhe këtë e kam thënë që para se ata të binin brenda, që para se ata të shkonin drejt qelisë për aferat korruptive.

E kam thënë që këtu do bëhen ‘koka turku’ i gjithë stafi, të gjithë drejtorët dhe Veliaj mbase do jetë i vetmi kryetar bashkie që do mbetet në këmbë pa drejtorë fare, vetëm që ai të mos shkojë para drejtësisë, sepse faturën e tij do e paguajnë të tjerët.

Në fund të ditës, ne na intereson pak se çfarë ndodh me ekipin dhe fatin individual të tyre, edhe pse burgu nuk i urohet askujt, por ata që kanë shkelur ligjin do duhet të mbajnë përgjegjësi para ligjit, dhe kjo është çështje politike, ekonomike dhe antivlerës që do të thotë se nuk ka njeri në Tiranë që nuk e di se ti ke një kryetar bashkie, hajdut, mashtrues i cili vjedh çdo ditë.

Tani që jemi këtu, po vidhen 80 mijë euro për një incinerator që nuk ekziston, do vidhen 200 milionë lekë për lyerjen e një kopështi, 400 milion euro për një mensë dhe këto janë vjedhje galopante ku ti çdo ditë e ke në mediat e kapura të pushtetit, e servisin si një njeri që del e jep mend, sikur po e çon Shqipërinë përpara.

Të gjitha problemet që ka, të gjitha veset që ka Rama nuk ka njeri që nuk e njeh që nga rinia e tij që nuk i di të vërtetat e tij, bënte sikur ishte në hall, ishte sa dilte e viktimizohej", deklaroi Këlliçi.