Komisioni për Sigurinë Kombëtare nis me debate, Noka dhe Salianji kërkojnë sqarime nga SHISH

 

Komisioni për Sigurinë Kombëtare e ka nisur mbledhjen me debate. Dy deputetë e PD-së, Flamur Noka dhe Ervin Salianji kanë kërkuar shpjegime nga drejtoresha e SHISH, Vlora Hyseni.

Kryetari i Komisionit, Nasip Naço, nuk ia ka dhënë të drejtën e fjalës duke shkaktuar debate mes tyre. Madje Naço kërkoi edhe 5 minuta pushim me pretendimin se demokratët nuk ishin të qetë.

Debati:

Naço: Si ta jap fjalën kur nuk kam mbaruar? Jo nuk kam mbaruar, po flas unë.

Salianji: Ma kalo more fjalën për procedurë, pse çfarë e ke ti pronë? Mirë, merre dhe fute në xhep

Naço: Po jo mo çfarë xhepi, ja tek e ke

Salianji: Keni frikë të përballeni me ne

Naço: Po ça frikë ore, dilni nga depresioni që jeni futur, ça frike kemi ne?

Salianji: Je bërë edhe psikolog

Noka: Të flasi njëherë zonja dhe pastaj po pati çështje sensitive të dalin mediat. Tani kjo sjellja "lule mos më prek". Këtë po bëni ju...

Naço: Unë e kuptoj se shyqyr që janë mediat dhe po bëni protagonistë. Mos ta mbyll fare unë këtë. Dilni nga depresioni njëherë pastaj... 5 minuta pushim.