Flash News

Ndërhyrjet në burgun e Spaçit, reagon Ministria e Kulturës: Nuk kemi qëllim modifikimin e historisë

Aksident në urën e re të Kukësit, përplasen tre automjete

Festohet Kurban Bajrami, mijëra besimtarë falën namazin në bulevardin “Dëshmorët e Kombit”

Bëri një gjilpërë tek ambulance e lagjes, humb jetën e moshuara në Lushnjë

Pas Tiranës, KAS vendos edhe hapjen e kutive të votimit në Dibër

DITARI POLITIK

Konferenca e katërt ndërqeveritare Shqipëri-BE, Rama: Duam të mbyllim negociatat brenda 2027

Politiko 14 Prill 2025, 14:01

Konferenca e katërt ndërqeveritare Shqipëri-BE, Rama: Duam

Shqipëria pritet të hapë sot grup-kapitullin e dytë të negociatave me Bashkimin Europian “Tregu i Brendshëm”, në Konferencën e katërt ndërqeveritare Shqipëri-BE, e cila po mbahet në Luksemburg.

Gjatë takimeve në Bruksel me presidentin e Këshillit Europian, Antonio Costa, kryeministri Edi Rama shprehu ambicien për të mbyllur negociatat brenda vitit  2027, ndërsa Costa theksoi mbështetjen e BE-së për vendet e  Ballkanit Perëndimor.

‘Sot sigurisht është një ditë shumë e mire për ne sepse kemi një tjetër konference dhe çelim kapituj të tjerë,ndërkohë që me Presidentin jam shumë mirënjohës për kohën që më ka kushtuar për të zhvilluar një bisedë rreth përparimit që ne po bëjmë në këtë proces e pastaj edhe për samitin e ardhshëm për komunitetin politik evropian. Kështu që, ka shumë për të diskutuar, por në përgjithësi jam shumë i inkurajuar nga këto zhvillime  dhe jemi tej mase të përkushtuar për të përmbushur të gjitha detyrat e kalendarit që është shumë ambicioz, për të mbyllur të gjitha negociatat brenda 2027’.

Ndërsa Presidenti  i Këshillit Evropian, Antonio Costa, duke njoftuar  turin e e tij në rajon, në muajin maj, deklaroi se Bashkimi Evropian, vijon të mbështesë integrimin e vendeve të Ballkanit Perëndimor në union.

‘Zgjerimi drejt Ballkanit Perëndimor është një përparësi e qartë për BE dhe është investimi më i rëndësishëm gjeostrategjik për paqen, për begatinë dhe për stabilitetin e kontinentit tone dhe është vërtetë inkurajuese të shohësh progresin që ka bërë Shqipëria në këtë rrugëtim. Sot po çelim një grup kapitull tjetër dhe ambicia jonë është që të çelim dhe më tej grup-kapituj për t’u negociuar gjatë këtij viti sepse e kemi një kalendar shumë konkret dhe duam që të realizojmë dhe kjo është shumë e rëndësishme për Shqipërinë, por mendoj që kjo është po kështu një shenjë mjaft e rëndësishme për të gjithë rajonin’.

Të fundit